پاکستانی بلے باز سعود شکیل ٹیسٹ کے بعد ون ڈے کرکٹ میں بھی پرفارم کرنے کے لیے پر عزم ہیں۔

پی سی بی دیجیٹل میڈیا سے بات کرتے ہوئے ان کا کہنا تھا کہ ’’یہ میرے لیے ایک بہترین موقع ہے تاکہ میں اپنی موجودہ فارم کو کام میں لاسکوں، ٹیسٹ ایک مشکل فارمیٹ ہے اور جب میں نے ون ڈے میں ڈیبیو کیا تھا تو اس وقت تک میں ٹیسٹ نہیں کھیلا تھا‘‘۔

انہوں نے کہا کہ ٹیسٹ کے مقابلے میں ٹی ٹوئنٹی اور ون ڈے آسان ہیں، ٹیسٹ کرکٹ نے مجھے کھلاڑی بنایا اور میرے اعتماد میں اضافہ کیا جو اب مجھے ون ڈے میں کام آئے گا۔

سعود شکیل کہتے ہیں کہ جب میں سری لنکا آرہا تھا تو میرے ذہن میں یہ پلان خاص طور پر موجود تھا کہ مجھے کس طرح بیٹنگ کرنی ہے اور اس میں یہ بات خاص کر شامل تھی کہ میری اپروچ نیوزی لینڈ کے خلاف ٹیسٹ سیریز سے مختلف ہونی چاہیے۔

قومی بیٹر نے کہا کہ میں نے ذہنی طور پر اپنی اپروچ تبدیل نہیں کی ہے۔ اگر ہم سوئپ کی بات کریں تو میں آف اسپنرز کے خلاف اسے کھیلنے کی تیاری کرچکا ہوں۔

انہوں نے مزید کہا کہ ون ڈے کرکٹ مختلف تقاضہ کرتی ہے جس طرح یہ فارمیٹ آگے بڑھا ہے میں بھی ان تقاضوں کے مطابق اپنی منصوبہ بندی کروں گا۔

واضح رہے کہ قومی بیٹر سعود شکیل ٹیسٹ کرکٹ میں اہم سنگیل میل عبور کرچکے ہیں، انہوں نے پہلے سات ٹیسٹ میچز میں لگاتار نصف سنچریاں اسکور کی ہیں جب کہ ان کی بیٹنگ اوسط 87.50 رہی ہے جو کوئی بھی پاکستانی بلے باز پہلے سات ٹیسٹ میچز میں حاصل نہیں کرسکا ہے۔

علاوہ ازیں رواں سال جولائی میں انہوں نے سری لنکا کے خلاف ناٹ آؤٹ 208 رنز کی اننگز کھیلی تھی جو سری لنکا میں کسی بھی پاکستانی کا سب سے بڑا انفرادی اسکور ہے۔

ان کی عمدہ کن کارکردگی کی بدولت انہیں ون ڈے اسکواڈ میں بھی شامل کیا گیا ہے جب کہ وہ 16 ماہ بعد دوبارہ ون ڈے میں واپس آئے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں