جنوبی افریقہ نے یکم ستمبر سے پاکستان کے خلاف شروع ہونے والی سیریز کے لیے 15 رکنی اسکواڈ کا اعلان کردیا ہے۔

جنوبی افریقہ کی عبوری کپتان سن لوس اب ٹیم کی قیادت نہیں کریں گی جب کہ ان کی کپتانی میں جنوبی افریقہ کو آسٹریلیا کے خلاف آئی سی سی ویمنز ٹی ٹوئنٹی ورلڈ کپ 2023 کے فائنل میں شکست کا سامنا کرنا پڑا تھا۔

جنوبی افریقہ دورہ پاکستان سے قبل جلد ہی نئے کپتان کا اعلان کرے گا جب کہ دورہ پاکستان تین ٹی ٹوئنٹی اور تین ون ڈے میچز پر مشتمل ہوگا جب کہ ون ڈے میچز آئی سی سی ویمنز چیمپئن شپ 2022-25 کا حصہ ہیں۔

جنوبی افریقہ کی جانب سے اعلان کردہ اسکواڈ میں 12 کھلاڑیوں کو برقرار رکھا گیا ہے جو ٹی ٹوئنٹی ورلڈ کپ ٹیم کا حصہ تھے جب کہ ایک بڑا نام چیلوئے ٹائیرون اسکواڈ کا حصہ نہیں کیونکہ انہوں نے چھٹیوں کی درخواست کی ہے۔

انگلی میں چوٹ کے باعث اینری ڈیرکسن بھی سیریز سے محروم رہیں گی جب کہ وکٹ کیپر مائیک ڈی رائیڈر بین الاقوامی سطح پر ڈیبیو کرسکتی ہیں، انہیں کال اپ پر رکھا گیا ہے۔

آل راؤنڈر نونڈومیسو شانگاسے کو بھی اسکواڈ میں شامل کیا گیا ہے جب کہ وہ اس سے قبل 2021 میں کھیلی تھیں۔

واضح رہے کہ جنوبی افریقہ کے دورہ پاکستان کے تمام میچز کراچی میں کھیلے جائیں گے، ٹی ٹوئنٹی سیریز یکم سے 5 ستمبر کے دوران کھیلی جائے گی جب کہ ون ڈے سیریز 8 تا 14 ستمبر کے دوران کھیلی جانی ہے۔

جنوبی افریقہ کے 15 رکنی اسکواڈ میں اینیک بوش، تازمین برٹس، نادین ڈی کلرک، مائیک ڈی رائیڈر، لارا گڈال، سینالو جفٹا، ماریزانے کپ، آیابونگا کھاکا، مساباتا کلاس، سنی لوس، نونکولیکو ملابا، تمی سیخوخونے، نونڈومیسو شنگاسے، ڈیلمی ٹکر اور لورا وولوارڈٹ شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں