لاہور: ڈینگی کا خطرہ اس سال بھی سر پر منڈلانے لگا ہے، جس کی وجہ سے شہریوں کی مشکلات میں مزید اضافہ ہوگیا ہے۔

اس حوالے سے ذرائع نے بتایا کہ ایک ہفتہ میں 30 مریض کنفرم ہونا اور سینکٹروں مریض ڈینگی علامات کے ساتھ اسپتالوں کا رخ کرنے لگے۔ ڈینگی سرویلنس نہ ہونے کی وجہ سے ڈینگی کی افزائش ہوئی ہے۔

محکمہ صحت کی ناہلی کی وجہ سے شہری مشکلات کا شکار ہیں، تاہم سی ای او لاہور اور ڈی ڈی ایچ او لاہور کی ناقص کارگردگی پر سیکرٹری صحت علی جان برہم بھی ہوئے ہیں۔

ڈی سی لاہور رافعہ حیدر نے اسٹنٹ کمشنرز کو ازخود روزانہ کارکردگی اجلاس منعقد کرنے اور جائزہ لینے کا حکم دیا اور کہا کہ ڈینگی کیس رپورٹ ہونے پر اے ڈی سی جی اور اسٹنٹ کمشنر خود کیس رسپانس پر جائیں۔

انہوں نے کہا کہ 30 سے کم سرگرمیوں والی ٹیم کے اراکین اور ناقص نگرانی والے علاقوں کی روزانہ رپورٹ کریں۔

ڈی سی لاہور نے کہا کہ تحصیل سطح پر ڈینگی لاروا نشاندہی نہ ہونیوالے علاقوں کی نشاندہی کی جائے۔ یونین کونسل کی سطح پر گھوسٹ ملازمین کی نشاندہی  کر کے فوری کارروائی کی جائے۔

انکا کہنا ہے کہ ڈینگی ہاٹ سپاٹ ایریاز کی توثیق متعلقہ افسران خود کریں اور راوی ٹاؤن، نشتر، علامہ اقبال اور گلبرگ ٹاؤن کے اسسٹنٹ کمشنرز ایمرجنسی صورتحال کے تحت کام کریں۔

رافعہ حیدر نے مزید کہا کہ اسسٹنٹ کمشنرز ہر جان قیمتی، ہر شہری کی تکلیف کو اپنی تکلیف سمجھ کر کام کریں اور بارشوں کے بعد پیدا شدہ صورتحال پر قابو پانے کیلئے ہنگامی اقدامات اٹھائیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔