نگراں وزیراعظم انوارالحق کاکڑ نےکہا ہے کہ دہشت گردی اورانتہاپسندی ختم کریں گے، انتہاپسندی کےسامنےسرینڈرنہیں کرینگے، لڑیں گے۔

گورنرہاؤس کراچی میں میڈیا سے گفتگو کرتے ہوئے نگراں وزیراعظم نے کہا کہ گمراہوں کے خلاف ہم لڑتے رہیں گے، پاکستان ہمارا گھر ہے، اپنے انداز سے چلائیں گے۔

انوارالحق کاکڑ نے کہا کہ جنگیں فردِ واحد نہیں قومیں لڑتی ہیں، جو سمجھتے ہیں ہم لڑ کرتھک گئےہیں وہ غلط فہمی کا شکار ہیں، جن کو یہ غلط فہمی ہے وہ دور کرلیں۔ ہم اپنے شہدا کی قربانیوں کو نہیں بھولیں گے۔

نگراں وزیراعظم انوارالحق نے کہا کہ بٹگرام چیئرلفٹ ریسکیوکےکامیاب آپریشن پربے حد خوشی ہوئی، فوج، مقامی افراد، انتظامیہ نے مل کر بچوں کو ریسکیو کیا۔

گورنرہاؤس میں میڈیا سے گفتگو کرتے ہوئے انھوں نے مذید کہا کہ بچوں نے جس ہمت کا مظاہرہ کیا وہ قابل ستائش ہے، ہم اس کامیابی کا جشن بھی منائیں گے، ان بچوں نے ہم سب کو اکٹھا کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔