یورپی یونین کے اتحاد میں شامل پانچ ممالک نے یوکرین کے اناج پر پابندی کو سال کے آخر تک بڑھانے کا فیصلہ کیا ہے۔

عالمی خبر رساں ادارے کی خبر کے مطابق پولینڈ، بلغاریہ، ہنگری، رومانیہ اور سلوواکیا یورپی یونین کی جانب سے ان ممالک کو یوکرینی اناج کی درآمد پر عائد پابندی کو اس سال کے آخر تک بڑھانے کی حمایت کر رہے ہیں۔

یورپی یونین نے مئی میں یوکرین کے پانچ ہمسایہ ممالک کو یوکرین کی گندم، مکئی، ریپ سیڈ اور سورج مکھی کے بیجوں کی گھریلو فروخت پر پابندی عائد کرنے کی اجازت دی تھی جو 15 ستمبر کو ختم ہو رہی ہے۔

یورپی یونین کے ترجمان ٹیلس نے ایک نیوز کانفرنس میں کہا کہ ہم اس سال کے آخر تک اپنے ممالک میں درآمدات پر پابندی کی حمایت کرتے ہیں۔

ٹیلس نے کہا کہ میں یہ کہنا چاہتا ہوں کہ اگر یہ ناکام بھی ہوتا ہے تو کچھ ممالک اپنی پابندیاں متعارف کرائیں گے کیونکہ ہمارا اعلامیہ واضح ہے۔

ترجمان کا مزید کہنا تھا کہ پانچ ممالک کے وزرائے زراعت اس بات پر بھی متفق ہیں کہ وہ اناج کی ٹرانزٹ سبسڈی کی حمایت کرتے ہیں اور چاہتے ہیں کہ دیگر مصنوعات کو درآمدی پابندیوں کی فہرست میں شامل کیا جائے.

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں