بہاولنگر: دریائے ستلج میں پانی کے تیز بہاؤ کے باعث مومیکا کا حفاظتی بند ٹوٹنے سے ملحقہ آبادیوں میں سیلاب آ گیا۔

تفصیلات کے مطابق دریائے ستلج میں پانی کے تیز بہاؤ کی وجہ سے ومیکا کا حفاظتی بند ٹوٹ گیا، بند ٹوٹنے سے مومیکا، بلاڑی، توگیرہ ہٹھاڑ، جھنڈیکا سمیت 25 آبادیاں زیر آب آگئیں۔

سیلابی پانی دریائی پٹی سے ملحقہ درجنوں آبادیوں میں داخل ہونے سے متاثرہ علاقہ مکینوں کو مشکلات کا سامنا ہے۔ 100 سے زائد آبادیوں کے زمینی راستے منقطع ہوچکے ہیں، ہزاروں ایکڑ پر فصلیں زیر آب آگئیں سیلابی پانی رہائشی ڈیروں مکانوں میں داخل ہوگیا۔

انتظامیہ ریسکیو 1122 ٹیموں کی اہل علاقہ کے ساتھ ملکر امدادی کارروائیاں جاری ہیں، ریسکیو ٹیموں نے پانی میں پھنسے 10890 افراد کو محفوظ مقامات پر منتقل کردیا ہے۔

اس کے علاوہ متاثرہ درجنوں آبادیوں سے لوگوں کی نقل مکانی جاری ہے، انتظامیہ کی جانب سے متاثرین کو 30 فلڈ ریلیف کیمپس پر سہولیات فراہم کی جارہی ہیں۔

 نقل مکانی کرنے والے افراد شدید مشکلات سے دوچار ہیں، متاثرین کے لئے خوراک کی شدید قلت جانوروں کے لئے بھی چارہ دستیاب نہیں، متاثرین کی بڑی تعداد کھلے آسمان تلے حکومتی ریلیف کے منتظر ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں