سائفر کیس؛ اسد عمر کی عبوری ضمانت میں 14 ستمبر تک توسیع

ویب ڈیسک

29th Aug, 2023. 10:20 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سائفر کیس؛ اسد عمر کی عبوری ضمانت میں 14 ستمبر تک توسیع

سیکرٹ ایکٹ عدالت اسلام آباد نے سائفر کیس میں پاکستان تحریک انصاف (پی ٹی آئی) کے رہنما اور سابق وفاقی وزیر اسد عمر کی عبوری ضمانت میں 14 ستمبر تک توسیع کر دی۔

تفصیلات کے مطابق آفیشل سیکرٹ ایکٹ عدالت کے جج ابوالحسنات ذوالقرنین نے اسد عمر کے خلاف سائفر کیس سے متعلق سماعت کی۔ اسد عمر وکیل بابر اعوان کے ہمراہ عدالت میں پیش ہوئے۔

عدالت نے سائفر کیس میں اسد عمر کی عبوری ضمانت میں توسیع کرتے ہوئے سماعت 14 ستمبر تک ملتوی کردی۔

واضح رہے کہ گزشتہ دنوں ایف آئی اے نے سائفر کیس میں پی ٹی آئی کے وائس چیئرمین شاہ محمود قریشی کو اسلام آباد میں ان کی رہائش گاہ سے گرفتار کیا تھا اور اسی روز پی ٹی آئی کے سابق سیکرٹری جنرل اسد عمر کی گرفتاری کی خبر بھی سامنے آئی تھی۔

بعدازاں سائفر کیس میں گرفتار پاکستان تحریک انصاف (پی ٹی آئی) کے وائس چیئرمین شاہ محمود قریشی کو 2 دن مزید جسمانی ریمانڈ پر ایف آئی اے کے حوالے کردیا گیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں