مس ورلڈ کیرولینا بیلاوسکا، جو مس ورلڈ 2023 کے لیے بھارت میں آنے کے لیے پرجوش ہیں، نے بالی ووڈ فلموں میں خاص طور پر کنگ خان کے ساتھ کام کرنے کی اپنی خواہشات کا اظہار کیا ہے۔

حال ہی میں اس حوالے سے بات کرتے ہوئے کیرولینا بیلاوسکا نے کہا کہ “شاہ رخ خان کی فلم میں ہونا بہت اچھا ہوگا۔ مجھے پروڈیوسر ساجد ناڈیاڈوالا سے ملنے کا شرف حاصل ہوا ہے اور میں سنجے لیلا بھنسالی کے ساتھ ان فلموں میں کام کرنا بھی پسند کروں گی جو وہ محلات اور شہزادیوں کے ساتھ بنا رہے ہیں۔ میں جانتی ہوں کہ ایشوریہ رائے ان کی فلم میں بھی تھیں۔

یہ پہلی بار نہیں ہے، کیرولینا نے بالی ووڈ کے لیے اپنے جنون کے بارے میں بات کی۔ اس سے قبل جب مس ورلڈ 2022 سے بالی ووڈ کے بارے میں پوچھا گیا تو انہوں نے کہا تھا کہ یہ بہت اچھا لگتا ہے، میں ہمیشہ سے یہ کرنا چاہتی تھی اور بالی ووڈ بہت بڑی فلم انڈسٹری ہے۔ “

پولینڈ سے تعلق رکھنے والی کیرولینا بیلاوسکا نے بین الاقوامی مقابلہ حسن مس ورلڈ 2021 کا ٹائٹل جیتا ہے۔ وہ ایک پولش ماڈل، ٹی وی پریزینٹر، سماجی کارکن، اقوام متحدہ کی میسنجر آف پیس کی خیر سگالی سفیر اور پبلسٹ ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں