انتخابات 90 روز میں کرانے کیلئے جماعت اسلامی کا سپریم کورٹ سے رجوع

طیب بلوچ

30th Aug, 2023. 01:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انتخابات 90 روز میں کرانے کیلئے جماعت اسلامی کا سپریم کورٹ سے رجوع

انتخابات 90 روزمیں کرانے کیلئے جماعت اسلامی نے بھی سپریم کورٹ سے رجوع کر لیا۔

جماعت اسلامی نے سپریم کورٹ میں آئینی درخواست دائر کر دی، جس میں مؤقف اختیار کیا گیا کہ اسمبلیوں کی تحلیل کے بعد انتخابات کا آئینی مدت میں انعقاد ضروری ہے، سابقہ حکومت نے مردم شماری شائع کرنے کا فیصلہ بدنیتی کی بنیاد پر کیا۔

جماعت اسلامی کی جانب سے وکیل نےدرخواست میں مؤقف پیش کیا کہ نومبر میں ہونے والے انتخابات مزید تاخیر کا شکار ہوئے تو آئین کی خلاف ورزی ہوگی، استدعا ہے کہ الیکشن کمیشن کو فوری طور پر انتخابی شیڈیول جاری کرنے کا حکم دیا جائے۔

جماعت اسلامی کی جانب سے درخواست میں یہ بھی استدعا کی گئی کہ تمام سرکاری اداروں کو حکم دیا جائے کہ انتخابات میں الیکشن کمیشن کی مکمل معاونت کریں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں۔

آرٹیکل کا اختتام

اگلی خبر

عامر لیاقت کی وسیم بادامی سے آخری بات کیا ہوئی؟ میزبان کا اہم انکشاف

طیب بلوچ

15th Aug, 2023. 06:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عامر لیاقت کی وسیم بادامی سے آخری بات کیا ہوئی؟ میزبان کا اہم انکشاف

پاکستان کے معروف میزبان وسیم بادامی نے مرحوم عامر لیاقت سے متعلق اہم انکشاف کیا ہے۔

حال ہی میں پاکستان کے معروف میزبان وسیم بادامی نے اپنے ایک انٹرویو میں عامر لیاقت سے آخری گفتگو کے حوالے سے گفتگو کی ہے۔

انہوں نے کہا کہ میرے پاس آج بھی موبائل میں عامر لیاقت کے بہت سارے میسجز محفوظ ہیں جن میں آخری میسج ان کے انتقال سے 15 دن قبل کا ہے۔

انٹرویو کے دوران میزبان نے سوال کیا کہ کیا آپ ہمیں بتا سکتے ہیں کہ عامر لیاقت سے آپکی آخری گفتگو کس موضوع پر ہوئی تھی ؟

سوال کے جواب میں وسیم بادامی نے کہا کہ میں ان دنوں لندن میں تھا اور یہاں عامر بھائی کی متنازع ویڈیو کا معاملہ سرخیوں کا حصہ بنا ہوا تھا اور اسی سبب وہ بے حد مشکل دور سے گزر رہے تھے، ان کو شدید تنقید کا سامنا تھا۔

انہوں نے کہا کہ جب میری ان سے فون کال پر بات ہوئی تو وہ بالکل ٹوٹے ہوئے معلوم ہورہے تھے، میں نے زندگی میں آج تک ان کو اس قدر کمزور نہیں پایا تھا، وہ ایک چھوٹے بچے کی طرح رو رہے تھے۔

وسیم بادامی نے کہا کہ میں نے ان کو اس حالت میں پا کر ان کو یہ یقین دلانے کی کوشش کی کہ آپ فکر نہ کریں سب ٹھیک ہوجائیگا اور میں آپ کی مدد ضرور کروں گا۔

انہوں نے کہا کہ میرے موبائل میں عامر لیاقت کو کیا گیا آخری میسج ’’ عامر بھائی پلیز فون کال اٹھائیں‘‘ ہے ، لیکن انہوں نے میری کال اٹینڈ نہیں کی، میں نے ہمارے ایک دوست منہاج سے بھی رابطہ کیا اور اس کو کہا کہ میں لندن میں ہوں لیکن تم عامر بھائی کو ڈھونڈو اور ان کو پکڑو ان کی حالت ٹھیک نہیں ہے، پر عامر بھائی کسی کو مل نہیں سکے کیونکہ وہ مستقل اپنا مقام اور نمبر تبدیل کر رہے تھے۔

معروف میزبان وسیم بادامی نے کہا کہ میں 15 دن بعد جب پاکستان پہنچا تو اس کے 48 گھنٹوں کے اندر مجھے یہ خبر موصول ہو گئی کہ عامر لیاقت حسین انتقال کر گئے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں