امریکی ریاست فلوریڈار ابھی ایان نامی طوفان سے سنبھل بھی نہ پائی تھی کہ ایک اور سمندری طوفان ایڈالیا اپنا قہر ڈھانے قریب پہنچ گیا ہے۔

غیر ملکی خبر رساں ادارے کی خبر کے مطابق سمندری طوفان ایڈالیا کیٹیگری 4 کے خطرناک طوفان میں تبدیل ہو گیا ہے کیونکہ یہ فلوریڈا کے بگ بینڈ علاقے کی طرف بڑھ رہا ہے اور اس سے جان لیوا طوفانی لہروں اور بارشوں کا خطرہ ہے۔

یہ طوفان جسے ایک غیر معمولی واقعہ قرار دیا گیا ہے، بدھ کی علی الصبح فلوریڈا کے بگ بینڈ علاقے میں ساحل پر آنے کا امکان ہے۔

امریکی ریاست فلوریڈا میں بدھ کی علی الصبح کیٹیگری 4 کے طوفان کے طور پر ساحل پر آنے کا امکان ظاہر کیا گیا تھا جس میں ہلکی آبادی والے بگ بینڈ علاقے میں کم از کم 210 کلومیٹر فی گھنٹہ (130 میل فی گھنٹہ) کی رفتار سے ہوائیں چلیں گی۔

یہ سمندری طوفان اس ریاست کے لیے ایک بڑا دھچکا ثابت ہو سکتا ہے جو اب بھی گزشتہ سال کے سمندری طوفان ایان سے ہونے والے نقصانات سے نبرد آزما ہے۔

تلہاسی میں نیشنل ویدر سروس نے ایڈالیا کو ایک انتہائی خطرناک طوفان قرار دیا ہے کیونکہ ریکارڈ پر موجود کوئی بھی بڑا طوفان بگ بینڈ کے قریب خلیج سے نہیں گزرا ہے۔

سمندری طوفانوں کی پیمائش پانچ کیٹیگری کے پیمانے پر کی جاتی ہے جس میں کیٹیگری 5 سب سے مضبوط ہوتی ہے۔ کیٹیگری 3 کا طوفان اس پیمانے پر پہلا طوفان ہے جسے ایک بڑا طوفان سمجھا جاتا ہے۔ نیشنل ہریکین سینٹر کا کہنا ہے کہ کیٹیگری 4 کا طوفان تباہ کن نقصان کا باعث بنتا ہے۔

قومی سمندری طوفان مرکز نے بتایا کہ بدھ کی صبح 5 بجے ایڈالیا سیڈر کی سے 97 کلومیٹر مغرب میں اور تلہاسی سے 145 کلومیٹر جنوب میں تھا۔ یہ 24 کلومیٹر فی گھنٹہ (18 میل فی گھنٹہ) کی رفتار سے شمال کی طرف بڑھ رہا تھا۔

حالات حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں