قومی کرکٹرز کے سینٹرل کنٹریکٹس کا معاملہ التوا کا شکار

ویب ڈیسک

01st Sep, 2023. 03:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قومی کرکٹرز کے سینٹرل کنٹریکٹس کا معاملہ التوا کا شکار

قومی کرکٹرز کی ایشیا کپ میں مصروفیت کے باعث سینٹرل کنٹریکٹس کی پیشکش کا معاملہ التوا کا شکار ہوگیا ہے۔

قومی کرکٹ ٹیم کی مصروفیت کے باعث سینٹرل کنٹریکٹ پر بات چیت کا عمل مکمل نہیں ہوسکا ہے، افغانستان سیریز کے فوراً بعد ایشیا کپ کے آغاز کی وجہ سے تمام کھلاڑی مصروف ہوگئے تھے جس کے باعث ان سے بات نہیں ہوسکی۔ اس کے علاوہ کھلاڑیوں کی توجہ ایشیا کپ کے میچز پر رکھنے کی وجہ سے اس معاملے کو بعد میں دیکھا جائے گا۔

ذرائع کا کہنا ہے کہ بورڈعہدیداران کی افغانستان سیریز کے دوران ہمبنٹوٹا میں کھلاڑیوں سے کنٹریکٹس پر بات چیت ہوئی تھی البتہ یہ معاملہ تاحال حل طلب ہے لیکن 30 جون کو ختم ہونے والے کنٹریکٹس میں پی سی بی نے ایک ماہ کی توسیع کی تھی یہ توسیع نئے کنٹریکٹس کے آنے تک جاری رہے گی۔

واضح رہےکہ پاکستان کرکٹ بورڈ ڈومیسٹک کرکٹ کنٹریکٹس، ویمن کرکٹ ٹیم اور ڈومیسٹک ویمن کنٹریکٹس کا اعلان کر چکا ہے۔