پاکستان کی معروف اداکارہ شگفتہ اعجاز کا کہنا ہے کہ لگاتار بوٹاکس ٹریٹمنٹ نہیں لیتی۔

حال ہی میں پاکستان کی معروف اداکارہ شگفتہ اعجاز نے اپنے یوٹیوب چینل پر نیا وی لاگ شیئر کیا ہے جس میں انہوں نے اپنے چہرے پر جُھریوں اور بوٹاکس کروانے سے متعلق بات کی ہے۔

   اداکارہ نے اپنے وی لاگ کے آغاز میں کہا کہ بوٹاکس کروانے سے قبل اُنہیں ڈائریا اور متلی محسوس ہو رہی ہے۔

بعد ازاں بوٹاکس کرواتے ہوئے اور بوٹاکس کے بعد کے مناظر بھی شگفتہ اعجاز نے اپنے وی لاگ میں مداحوں کے ساتھ شیئر کیے ہیں۔

اداکارہ شگفتہ اعجاز کا کہنا ہے کہ انہوں نے یہ چوتھی بار بوٹاکس کروایا ہے جس سے اُن کے ماتھے، آنکھوں گرد کی جُھریاں ختم ہو گئی ہیں۔

شگفتہ اعجاز کا کہنا ہے کہ یہ اپنی اپنی خواہش کی بات ہے آج کل بہت سے لوگ بوٹاکس کروا رہے ہیں، کچھ لوگ اس سے متعلق کھل کر بات کرتے ہیں اور اعتراف کرتے ہیں کہ انہوں نے اسکن ٹریٹمنٹ لیا ہے جبکہ کچھ لوگ اس معلومات کو چھپاتے ہیں۔

انہوں نے کہا کہ یہ اُن کے کرداروں پر منحصر کرتا ہے کہ وہ بوٹاکس کروائیں یا نہیں، کچھ کرداروں کے لیے چہرے پر جھریاں ضروری ہوتی ہیں کچھ میں جُھریاں چھپانی ہوتی ہیں۔

اداکارہ کا کہنا ہے کہ وہ لگاتار بوٹاکس ٹریٹمنٹ نہیں لیتی ہیں، وہ طویل عرصے اور وقفے کے بعد بوٹاکس کرواتی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں