ماحولیاتی تبدیلی کی وزیر مملکت زرتاج گل نے کہا ہے کہ پاکستان تحریک انصاف کی حکومت خواتین کو تمام بنیادی حقوق فراہم کرانے کیلئے پرعزم ہے۔

تفصیلات کے مطابق ماحولیاتی تبدیلی کی وزیر مملکت زرتاج گل نے خواتین کے عالمی دن پر اپنے ایک پیغام میں کہا کہ وزیراعظم عمران خان خواتین کوبااختیار بنانے کے سب سے بڑے داعی ہیں۔

اپنے پیغا م میں ماحولیاتی تبدیلی کی وزیر مملکت زرتاج گل نے مزید کہا کہ مارچ کرنا خواتین اور معاشرے کے دوسرے طبقوں کا حق ہے تاہم ہر ایک کو سماجی اور اسلامی اقدار کا خیال رکھنا چاہیے۔

یاد رہے کہ پاکستان سمیت دنیا بھر میں آج خواتین کا عالمی دن منایا جارہا ہے۔

اقوام متحدہ نے 1656 میں 8 مارچ کو عورتوں کے عالمی دن کے طور پر منانے کا فیصلہ کیا تھا جبکہ اس کا مقصد خواتین کی سماجی، سیاسی اور اقتصادی جدوجہد کو خراج تحسین پیش کرنا ہے۔

اسلام آباد میں عورت مارچ کے شرکاءپر پتھراﺅ

امریکہ میں سوشلسٹ پارٹی کی جانب سے 1909 میں 28 فروری کو خواتین کا دن منایا گیا جس کے بعد 1910 میں خواتین کے حوالے سے ایک عالمی کانفرنس میں تجویز کیا گیا کہ یہ دن سالانہ طور پر منایا جانا چاہیے۔ اس کانفرنس میں 17 ممالک کی 100 خواتین نے اس خیال کو متفقہ طور پر منظور کیا۔

یہ پہلی مرتبہ 1911 میں آسٹریا، ڈنمارک، جرمنی اور سوئٹزر لینڈ میں منایا گیا۔ اس حساب سے رواں برس 108 یوم خواتین منایا جا رہا ہے۔

واضح رہے کہ خواتین کے عالمی دن کے موقع پر دنیا کے مختلف ممالک جیسے روس، ویت نام، چین اور بلغاریہ میں خواتین کے عالمی دن پر عام تعطیل ہوتی ہے، یہ دن خواتین کی ’’جدوجہد‘‘ کی علامت ہے۔