یوکرین کے حکام کا کہنا ہے کہ کیف پر آج روسی ڈرونز دارالحکومت کیف پر حملہ کیا جسے ناکام بنا دیا گیا ہے۔

عالمی خبر رساں ادارے کی خبر کے مطابق یوکرین کے فوجی حکام کا کہنا ہے کہ روس کی جانب سے کیف پر ہونے والا بڑا ڈروں حملہ ناکام بنا دیا گیا ہے۔

دارالحکومت میں کم از کم 10 دھماکوں کی آوازیں سنی گئیں اور فضائی حملوں کے سائرن نے شہریوں کو پناہ لینے کا اشارہ دیا۔ بعد میں سب کچھ صاف ہو گیا۔

کیف ملٹری ایڈمنسٹریشن کے سربراہ سرہی پوپکو کا کہنا ہے کہ ملبے کی وجہ سے ایک رہائشی عمارت میں آگ لگ گئی تھی لیکن اسے بجھا دیا گیا ہے۔

اس سے قبل بھی ڈرون طیاروں نے کیف کو نشانہ بنایا تھا۔

اتوار کے روز شہر کے حکام نے متاثرہ اضلاع کے نام پوڈیلسکی، سویاتوشینسکی اور شیوچنکیوسکی بتائے ہیں جو شہر کے مرکز میں واقع ہیں۔

کیف کا فضائی دفاعی نظام شہر کو نشانہ بنانے والے زیادہ تر روسی ڈرونز اور میزائلوں کو مار گرانے میں مؤثر ثابت ہوا ہے۔

سربراہ سرہی پوپکو نے کہا کہ اتوار کے روز تقریبا 20 ایرانی ساختہ شاہید ڈرون مار گرائے گئے۔ انہوں نے کہا کہ وہ کئی سمتوں سے گروپوں میں کیف کے اوپر سے گزرے تھے۔

سربراہ سرہی پوپکو نے مزید کہا کہ زیادہ تر ملبہ کھلی زمین پر گرا، لیکن کچھ نے کاروں اور ٹرالی بسوں کی تاروں کو نقصان پہنچایا۔

دریں اثناء روس کا کہنا ہے کہ اس نے جزیرہ نما کریمیا کے قریب بحیرہ اسود پر یوکرین کی جانب سے داغے گئے آٹھ ڈرونز کو تباہ کر دیا ہے۔

مبینہ طور پر یوکرین سے آنے والے ڈرون اس سے قبل ماسکو کے علاقے سمیت روس کی گہرائیوں میں پرواز کر چکے ہیں اور حال ہی میں پسکوف کے ایک فوجی اڈے پر طیاروں کو نشانہ بنایا تھا۔

لیکن یوکرین کے حکام عام طور پر اس طرح کے حملوں میں ملوث ہونے کی نہ تو تصدیق کرتے ہیں اور نہ ہی انکار کرتے ہیں۔

روس کی وزارت دفاع کا یہ بھی کہنا ہے کہ اس کے بحری طیاروں نے کرائمیا کی طرف جانے والی یوکرین کی تین فوجی اسپیڈ بوٹس کو تباہ کر دیا ہے۔ رپورٹ میں کہا گیا ہے کہ میرینز کو لے جانے والی امریکی ساختہ کشتیاں سنیک آئی لینڈ کے شمال مشرق میں ٹکرا گئیں۔

برطانوی خبر رساں ادارے نے اس دعوے کی تصدیق نہیں کی ہے، جو روس کے اس دعوے کے چند دن بعد سامنے آیا ہے کہ اس نے کرائمیا کے قریب یوکرین کی چار اسپیڈ بوٹس کو تباہ کر دیا ہے۔

قبل ازیں یوکرین کے نئے وزیر دفاع رستم عمروف نے مغربی اتحادیوں پر زور دیا تھا کہ وہ جنگ جیتنے کے لیے ہتھیاروں کی فراہمی جاری رکھیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں