لاہور ہائی کورٹ نے توشہ خانہ تحائف ظاہر نہ کرنے کی درخواست پر فریقین سے حتمی دلائل طلب کرلئے۔

تفصیلات کے مطابق لاہور ہائیکورٹ میں توشہ خانہ تحائف کو الیکشن کمیشن کے کاغذات میں ظاہر نہ کرنیوالے سیاستدانوں کیخلاف درخواست پر سماعت ہوئی۔

جسٹس راحیل کامران شیخ نے شہری تنویر سرور کی درخواست پر سماعت کی۔

سماعت کے آغاز پر عدالتی معاون نے اپنے موقف میں کہا کہ پٹیشن شہرت یا پیسے کے لیے دائر کی گئی ہے، یہ درخواست کسی طور قابل سماعت نہیں ہے، عدالت دائر درخواست خارج کرے۔

الیکشن کمیشن کے وکیل کے پیش نہ ہونے پر عدالت نے ناراضگی کا اظہار کیا اور کہا کہ عدالت الیکشن کمیشن کے حوالے سے حکم جاری کرے گئی۔

عدالت نے درخواست گزار سے حتمی دلائل طلب کرتے ہوئے سماعت غیر معینہ مدت کے لیے ملتوی کر دی۔

واضح رہے کہ ایڈووکیٹ ندیم سرور کی جانب سے درخواست لاہور ہائیکورٹ میں دائر کی گئی تھی جس میں موقف اختیار کیا گیا تھا کہ الیکشن کمیشن نے جانبداری کا مظاہرہ کیا، صرف ایک شخصیت کے خلاف کارروائی کی گئی۔

درخواست گزار نے اپنے موقف میں کہا کہ الیکشن کمیشن نے توشہ خانہ کیس میں پسند اور نا پسند کو ملحوظ خاطر رکھا، چیئرمین تحریک انصاف کے خلاف توشہ خانہ میں کارروائی کر کے نااہل قرار دیا گیا۔

درخواست میں کہا گیا کہ الیکشن کمیشن نے کسی دوسرے رکن اسمبلی کے خلاف شکایت درج نہیں کی، تحائف لینے اور ظاہر نہ کرنے والے اراکین اسمبلی کے خلاف یکساں کاروائی ہونی چاہیے۔

درخواست میں استدعا کی گئی کہ عدالت الیکشن کمیشن کو توشہ خانہ کے تحائف ظاہر نہ کرنے والے ممبران اسمبلی  کے خلاف قانونی کارروائی کا حکم دے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں