وزیر دفاع لیفٹیننٹ جنرل (ر) انور علی حیدر نے کہا ہے کہ توقع ہے کہ جاپان میری ٹائم اور صنعتی مینوفیکچرنگ کے شعبوں میں سرمایہ کاری کرے گا۔

تفصیلات کے مطابق پاکستان میں جاپان کے سفیر واڈا مٹسوہیرو نے وزیر دفاع لیفٹیننٹ جنرل (ر) انور علی حیدر سے ملاقات کی جس میں انہوں نے پاکستان اور جاپان کے درمیان تاریخی قریبی تعلقات پر روشنی ڈالی۔

 وزیر دفاع  نے جائیکا کے ذریعے پاکستان میں خوشحالی اور ترقی کے لیے جاپان کی حمایت کو سراہتے ہوئے کہا کہ توقع ہے کہ جاپان سی پیک میں شرکت کے ذریعے پاکستان میں اقتصادی سرگرمیاں پیدا کرنے میں مدد کرے گا، توقع ہے کہ جاپان میری ٹائم اور صنعتی مینوفیکچرنگ کے شعبوں بالخصوص گوادر شپ یارڈ میں سرمایہ کاری پر غور کرے گا۔

               وزیر دفاع نے دونوں بحری افواج کے درمیان تربیتی تعاون کو جاری رکھنے پر زور دیا اور اقوام متحدہ کے امن مشن کے لیے پاکستان کے مسلسل عزم کا اعادہ کیا۔

               وفاقی وزیر نے پاکستان جاپان پولیٹیکو ملٹری اور ملٹری ٹو ملٹری ڈائیلاگ کے باقاعدہ انعقاد پر جاپانی حکومت کی کوششوں کو بھی سراہا۔

جاپانی سفیر نے اس موقع پر پاکستان کو اپنی حکومت کی جانب سے حمایت جاری رکھنے اور باہمی تعاون کی نئی راہیں تلاش کرنے کا یقین دلایا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں