ویتنام کے دارالحکومت ہنوئی میں ایک اپارٹمنٹ میں آگ لگنے سے 56 افراد ہلاک اور 37 زخمی ہو گئے ہیں۔

ویتنام کی سرکاری خبر رساں ایجنسی کے مطابق آگ رات کے وقت ایک نو منزلہ عمارت میں لگی، جس میں تقریبا 150 رہائشی رہتے ہیں۔

ٹیلی ویژن کی تصاویر میں دیکھا جا سکتا ہے کہ فائر فائٹرز رات کے وقت موقع پر موجود تھے جبکہ دن میں عمارت سے گہرا اور سیاہ دھواں اٹھ رہا تھا۔

سرکاری میڈیا نے ہنوئی میڈیکل یونیورسٹی اسپتال کے وو ہوانگ فونگ کے حوالے سے بتایا کہ آگ سے بچنے کے لیے کھڑکیوں سے چھلانگ لگانے کے بعد متعدد زخمیوں کو مقامی اسپتالوں میں داخل کرایا گیا ہے۔

وزارت پبلک سکیورٹی نے ایک بیان میں کہا کہ پولیس نے عمارت کے مالک نغم کوانگ منہ کو آگ سے بچاؤ کے قواعد کی خلاف ورزی کا الزام لگاتے ہوئے حراست میں لے لیا ہے۔

ایک سرکاری بیان کے مطابق وزیر اعظم فام منہ چن نے آج صبح جائے حادثہ کا دورہ کیا اور چھوٹے سائز کے اپارٹمنٹ عمارتوں اور گنجان آباد رہائشی علاقوں میں آگ بجھانے سے متعلق قواعد و ضوابط کو مکمل کرنے کا مطالبہ کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں