روس کا کہنا ہے کہ یوکرین نے کرائمیا میں بحیرہ اسود میں اس کے بحری بیڑے کے اڈے پر 10 میزائل اور تین ڈرونز سے حملہ کیا ہے۔

برطانوی خبر رساں ادارے کی خبر کے مطابق روس کا کہنا ہے کہ یوکرین کے اس حملے کے نتیجے میں سیواستوپول شپ یارڈ میں آگ لگ گئی جس کے نتیجے میں 24 افراد زخمی ہو گئے۔

ماسکو میں تعینات گورنر میخائل رازوزائیف نے دعویٰ کیا ہے کہ زیادہ تر حملوں کو ناکام بنا دیا گیا لیکن دو بحری جہازوں کو نقصان پہنچا ہے۔

برطانوی خبر رساں ادارے نے یوکرین کے حوالے سے بتایا کہ انہوں نے حملوں میں مغربی فراہم کردہ کروز میزائلوں کا استعمال کیا گیا تھا۔

گورنر میخائل رازوزائیف کی جانب سے ٹیلی گرام پر شیئر کی گئی ایک تصویر میں دیکھا جا سکتا ہے کہ آگ کے شعلے بندرگاہ پر ایک جہاز کو اپنی لپیٹ میں لے رہے ہیں جب وہ اپنے فون میں بات کر رہے ہیں۔

خیال کیا جاتا ہے کہ یہ ایک ایسے علاقے میں ہے جہاں جہاز مرمت کے لیے لائے جاتے ہیں۔

بتایا جاتا ہے کہ منسک نامی ایک بڑا لینڈنگ جہاز اور روستوف آن ڈان نامی ایک آبدوز کو نقصان پہنچا ہے۔ یہ بحیرہ اسود کے بیڑے پر یوکرین کے اب تک کے سب سے اہم حملوں میں سے ایک ہے۔

روس کی سرکاری خبر رساں ایجنسی کے مطابق روسی وزارت دفاع نے کہا ہے کہ دونوں بحری جہازوں کی مکمل مرمت کی جائے گی اور وہ معمول کی خدمات جاری رکھیں گے۔

ٹیلی گرام پر ایک پوسٹ میں یوکرین کی فضائیہ کے سربراہ مائیکولا اولیشک نے اپنے پائلٹوں کے بہترین جنگی کام پر ان کا شکریہ ادا کیا، انہوں نے متنبہ کیا کہ آنے والے دنوں میں اور بھی بہت کچھ ہونا ہے۔

برطانوی خبر رساں ادارے کا کہنا تھا کہ ایسا لگتا ہے کہ یہ پہلا موقع ہے جب کرائمیا کے اندر اہداف پر اس طرح کے ہتھیاروں کا استعمال کیا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں