انتونیو گوتریس کا بھارت میں مسلمانوں اور مسیحی برادری کے خلاف حالیہ حملوں پر ردعمل دیتے ہوئے کہا ہے کہ مذہبی منافرت کسی صورت قابل قبول نہیں۔

کشمیر میڈیا سروس کے مطابق اقوام متحدہ کے سیکرٹری جنرل انتونیو گوتریس جب بھارت میں ہونے والے جی ٹوئنٹی اجلاس کے بعد وطن واپس آئے تو پریس کانفرنس کی۔

پریس کانفرنس کے دوران پاکستانی صحافی کی جانب سے بھارت میں ہندو انتہا پسندوں کی جانب سے اقلیتوں کے خلاف حالیہ ظلم وتشدد کے بارے میں سوال کیا گیا۔

سوال کے جواب میں انہوں نے کہا کہ بھارتی وزیراعظم نریندر مودی کے ساتھ کوئی ملاقات نہیں کی اور نہ ہی دوطرفہ تعلقات کے حوالے سے ملاقات کی لیکن ہمارا موقف واضح ہے کہ مذہبی عدم برداشت انسانی حقوق کی خلاف ورزی ہے جو مکمل طور پر ناقابل قبول ہے۔

انہوں نے عالمی رہنماؤں کو پیغام دیتے ہوئے کہا کہ یہ وقت دکھاوے یا بیانات دینے کا نہیں بلکہ عملی اقدامات کا ہے۔ ایسے اقدامات جس کی دنیا کو بہتر بنانے کے لیے ضرورت ہے۔

انہوں نے مزید کہا کہ یہ وقت بے حسی یا خاموش بیٹھنے کا نہیں بلکہ حقیقی اور عملی حل کے لیے اکٹھے ہونے کا وقت ہے۔ یہ وقت بہتر مستقبل کے لیے اقدامات پر سمجھوتہ کرنے کا ہے۔

پریس کانفرنس کے آخر میں انہوں نے حالیہ دنوں میں مراکش اور لیبیا میں ہونے والے واقعات کے حوالے سے کہا کہ اقوام متحدہ امدادی سرگرمیوں کے لیے متحرک ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں