سانحہ نومئی جناح ہاؤس حملہ کیس میں عدالت نے تفتیشی افسران کو چالان پیش کرنے کا حکم دے دیا۔

تفصیلات کے مطابق انسداد دہشت گردی عدالت لاہورمیں سانحہ نو مئی جناح ہاؤس حملہ کیس کی سماعت ہوئی۔

پراسیکیوشن نے جناح ہاؤس حملہ کیس کا چالان آج بھی عدالت جمع نہ کرایا، پراسیکیوٹرفرہاد شاہ نے چالان جمع کرانے کےلئے عدالت سے مہلت طلب کرلی۔

عدالت نے تفتیشی افسران کو چالان آئندہ سماعت پر پیش کرنے کا حکم دے دیا۔

اسپیشل پراسیکیوٹرفرہادشاہ نے کہا کہ پراسیکیوشن نے چالان پراعتراضات لگا کر واپس بھجوادیا۔ پراسیکیوشن نےچالان میں بغاوت سمیت دیگر اہم شواہد شامل کرنے کی ہدایت کی ہے۔ بغاوت پر اکسانے کے متعلق تمام ویڈیوز کو چالان کا حصہ بنانے کی بھی ہدایت کی ہے۔

اسپیشل پراسیکیوٹر فرہاد علی شاہ نےعدالت کوچالان تین روز تک اعتراض دور کر کے پیش کرنے کی یقین دہانی کرا دی۔

جناح ہاؤس حملہ کیس میں سینیٹر اعجاز چوہدری، سابق گورنر عمرسرفراز چیمہ، اسد عمر، شاہ محمود قریشی، پی ٹی آئی چئیرمین سمیت دیگر شامل ہیں۔

چالان عدالت پیش ہونے کے بعد مقدمہ کا ٹرائل شروع ہو گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔