ضلع کچہری کی عدالت نے لاہور ماسٹر پلان کرپشن کیس میں سابق وزیر اعلیٰ پنجاب چوہدری پرویز الہٰی کا ایک روزہ جسمانی ریمانڈ منظور کرلیا۔

تفصیلات کے مطابق لاہور کے ماسٹر پلان میں بے ضابطگیوں کے مقدمے میں سابق وزیر اعلیٰ پنجاب چوہدری پرویز الہٰی کو جوڈیشل مجسٹریٹ کی عدالت میں پیش کر دیا گیا۔

ڈیوٹی جوڈیشل مجسٹریٹ ریحان الحسن نے پرویز الہیٰ کے خلاف کیس پر سماعت کی۔

اینٹی کرپشن حکام نے عدالت کو بتایا کہ پرویز الہیٰ نے بطور وزیر اعلیٰ کوٹلی راے ابوبکر کو ماسٹر پلان 2050 میں خلاف ضابطہ شامل کیا۔

چوہدری پرویز الہٰی کے وکیل رانا انتظار حسین نے دلائل دیتے ہوئے کہا کہ لاہور ہائیکورٹ نے حکم دے رکھا ہے کہ رہائی کے بعد پرویز الہیٰ کو 10روز دوسرے کیسز میں ضمانت کیلئے دینے ہیں، اہور ہائیکورٹ میں کل ڈی جی اینٹی کرپشن پنجاب کیخلاف توہین عدالت کی درخواست دائر کریں گے۔

وکیل نے کہا کہ لاہور ڈویژن پلان 2014 میں دارالھندسہ کمپنی نے ڈیزائن کیا، اسے 48کروڑ روپے دیے گئے، اینٹی کرپشن رولز 2014 سکیشن 5 کے مطابق انکوائری سے قبل ایف آئی آر درج نہیں ہوسکتی۔

رانا انتظار حسین نے دلائل دیے کہ اینٹی کرپشن حکام نے انکوائری کیلئے چوہدری پرویز الہٰی کو جب وہ جیل میں تھے کوئی نوٹس ہی نہیں دیا۔

عدالت نے وکلاء کے دلائل مکمل ہونے کے بعد سابق وزیر اعلیٰ پنجاب چوہدری پرویز الہٰی کا ایک روزہ جسمانی ریمانڈ منظور کرلیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں