آج ہم آپکو اُن غذاؤں کے بارے میں بتائیں گے جو ہمیں ہارٹ اٹیک کا شکار کرسکتی ہیں۔

ایک حالیہ تحقیق کے مطابق بے وقت بھوک لگنے پر چینی یا نمک سے بھرپور غذاؤں کے استعمال سے جسمانی وزن اور جسمانی چربی میں اضافہ ہوتا ہے جبکہ کولیسٹرول کی سطح بھی بڑھ جاتی ہے۔

تحقیق میں بتایا گیا کہ اس کے نتیجے میں فالج، ہارٹ اٹیک، موٹاپے اور دل کی شریانوں سے جڑے امراض کا خطرہ بڑھتا ہے۔

محققین کا کہنا ہے کہ بے وقت کھانے کا وقت بھی اہمیت رکھتا ہے، رات 9 بجے کے بعد اگر کسی فرد کا کچھ کھانے کو دل کرتا ہے تو زیادہ امکان یہی ہے کہ وہ چکنائی اور چینی سے بھرپور غذائی اشیاء کا انتخاب کرے گا جس سے مختلف امراض کا خطرہ بڑھتا ہے۔

انہوں نے کہا کہ اگر لوگ پھلوں، سبزیوں اور گریوں کو بے وقت بھوک لگنے پر کھانا عادت بنائیں تو اس سے مختلف امراض سے متاثر ہونے کا خطرہ کم ہوتا ہے۔

تحقیق کے مطابق جو افراد صحت کے لیے مفید غذاؤں کا استعمال کرتے ہیں، ان کا جسمانی وزن بھی صحت مند ہوتا ہے۔

تحقیق میں مزید بتایا گیا کہ بے وقت بھوک لگنے پر غذا کا انتخاب خوراک سے منسلک امراض کے خطرے میں اہم کردار ادا کرتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں