بھارتی کھلاڑی روی چندرن ایشون کی بیس ماہ بعد آسٹریلیا کے خلاف سیریز کے لیے ٹیم میں واپسی ہورہی ہے۔

بھارتی میڈیا کے مطابق انڈین ٹیم میں 20 ماہ بعد اسپنر روی چندرن ایشون کی آسٹریلیا کے خلاف جمعہ سے شروع ہونے والی ون ڈے سیریز میں واپسی ہورہی ہے۔ ایشون آسٹریلیا کے خلاف دو ون ڈے میچز کھیلیں گے۔

بھارتی کرکٹ بورڈ میں سلیکٹرز کے چیئرمین اجیت اگرکر نے اسکواڈ کا اعلان کیا جس میں انہوں نے بتایا کہ روہت شرما، ویرات کوہلی اور ہاردک پانڈیا کو موہالی اور اندور میں ہونے والے میچز میں آرام دیا گیا ہے۔

انہوں نے بتایا کہ کے ایل راہول کی بطور کپتان واپسی ہورہی ہے جب کہ یہ تنوں کھلاڑی آسٹریلیا کے خلاف تیسرے میچ کا حصہ ہوں گے۔

ان کا کہنا تھا کہ تیسرے میچ کے لیے بھارتی ٹیم کے 15 رکنی ورلڈ کپ اسکواڈ میں کوئی تبدیلی نہیں کی گئی ہے جس میں ایشون اور واشنگٹن سندر بھی شامل ہوں گے۔

زخمی کھلاڑی اکسر پٹیل کی جگہ ایشون کو ٹیم میں شامل کیا گیا ہے جب کہ ایشیاکپ کا فائنل کھیلنے والے سندر بھی آسٹریلیا کے خلاف دونوں میچز کھیلیں گے۔

واضح رہے کہ روی چندرن ایشون نے بھارت کی جانب سے 100 ون ڈے میچز میں 150 وکٹیں حاصل کی ہیں جب کہ اس سے قبل انہوں نے دسمبر 2021 میں ون ڈے انٹرنیشنل میچ کھیلا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں