وزیراعظم آزادکشمیر چوہدری انوارالحق نے کہا ہے کہ بلا تفریق شفاف احتساب کو یقینی بنایا جائے گا۔

تفصیلات کے مطابق وزیراعظم آزادکشمیر چوہدری انوارالحق نے میرپور ڈسٹرکٹ بار ایسوسی ایشن اور میرپور پروٹیکشن فورم اور سول سوسائٹی کے ارکان سے خطاب کرتے ہوئے کہا کہ بجلی کے بل اب پرانے ٹیرف پر ہی آئیں گے، بیوروکریسی میں شفاف لوگوں کو اوپر لا رہے ہیں، اس سے نظام میں بہتری آ ئے گی، بلا تفریق شفاف احتساب کو یقینی بنایا جائے گا۔

انہوں نے کہا کہ پروٹوکول ختم کر دیا ہے اٹھارہ گھنٹے کام کرتا ہوں، میری کابینہ میرے ساتھ ہے اور میری پالیسی کو فالو کرتی ہے، مجھے مسائل کا ادراک ہے لیکن صدیوں کی خطاؤں کا ازالہ لمحوں میں ممکن نہیں ہے۔

ان کا کہنا تھا کہ اللہ تعالیٰ کا قانون ہے سپر نیچرل پر جا کر وجود باقی نہیں رہتا، اعلانات بہت ہوئے مگر ان پر عملدرآمد نہیں ہوا، ایک نوٹیفکیشن جاری کرنے کیلیے بڑی مشقت کرنی پڑتی ہے۔

وزیراعظم آزادکشمیر چوہدری انوارالحق نے مزید کہا کہ منگلا ڈیم کا تحریری معاہدہ موجود ہے، ہمیں آئسولیشن میں نہیں رہنا ،مظالبات جائز ہونگے تو پورے ہونگے، قومی سلامتی کے اداروں تک بھی آپ کے جینوئن ایشوز پہنچائے۔

اس موقع پر موسٹ سینئر وزیر اور وزراء حکومت بھی وزیراعظم کے ہمراہ تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔