کراچی میں 3 روز تک بارشوں کا سلسلہ جاری رہنے کے باوجود بھی گرمی کی شدت بدستور برقرار ہے جبکہ آج بارش کا کوئی امکان نہیں ہے۔

محکمہ موسمیات کے مطابق کراچی میں آج مطلع صاف، کہیں جزوی ابرآلود رہنے کا امکان ہے جبکہ شہر کا کم سے کم درجہ حرارت 27.5  ڈگری ریکارڑ کیا گیا اور زیادہ سے زیادہ پارہ 35 ڈگری تک رہنے کا امکان ہے۔

موسم کا حال بتانے والوں کا کہنا ہے کہ ہوا میں نمی کا تناسب اوسطاً 75 فیصد تک رہے گا، شدید نمی اور حبس کے باعث گرمی کی شدت 38 ڈگری تک محسوس کی جاسکتی ہے۔

محکمہ موسمیات نے بتایا کہ شہر میں جنوب مغربی سمت سے ہواؤں کا سلسلہ جاری ہے، جبکہ سندھ کے بیشتر علاقوں میں بھی موسم گرم اور مرطوب رہنے کا امکان ہے۔

اس کے علاوہ جنوبی ساحلی اضلاع ٹھٹھہ، بدین، سجاول میں پارہ 32 سے 34 ڈگری کے درمیان رہنے کی توقع ہے جبکہ صحرائی علاقوں مٹھی، میر پور خاص، چھور میں درجہ حرارت 33 سے 35 ڈگری تک رہنے کا امکان ہے۔

محکمہ موسمیات کا مزید کہنا ہے کہ حیدرآباد، جامشورو سمیت ملحقہ علاقوں میں پارہ 35 سے 36 ڈگری کے درمیان رہنے کی توقع ہے جبکہ صوبے کے بالائی اور وسطی اضلاع دادو، خیر پو، سکھر، شہید بینظیر آباد، لاڑکانہ، جیکب آباد، سکھر اور خیر پور میں درجہ حرارت 37 سے 40 ڈگری کے درمیان رہنے کا امکان ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔