نگران وزیرصحت پنجاب ڈاکٹر جاوید اکرم نے کہا ہے کہ انجکشن سے متاثرہ افراد کا علاج ہم بالکل مفت کریں گے۔

جاوید اکرم نے پنجاب میں میڈیا سے گفتگو کرتے ہوئے کہا کہ یہ انجکشن بڑی وائلز میں آتا ہے، انجکشن 100ایم ایل اور 30ایم ایل کی بوتل میں آتا ہے، منافع خوروں نے اسے چھوٹی سرنچز میں فروخت کرنے کی کوشش کی، اس سے منافع خوروں کو ڈیڑھ سے 2لاکھ بچ رہے تھے۔

انہوں نے کہا کہ انجکشن غیرمعیاری جگہ اور اسپتالوں کے کمرے میں ری فل ہورہا تھا، انجکشن ری فل کرنے کے لیے لائسنس ہونا ضروری ہے جوان کے پاس نہیں تھا، یہ انجکشن کینسر کے لیے استعمال ہوتا ہے، آنکھ کی پتلی متاثر ہو تو اس میں انجکشن کی کچھ افادیت دیکھی گئی ہے۔

نگران وزیرصحت کا کہنا ہے کہ کچھ روز پہلے قصور میں ایک کیس رپورٹ ہوا، قصور کے بعد لاہور، ملتان، خانیوال، شجاع آباد میں کیسز رپورٹ ہوئے، ہم نے چھاپہ مار کر اس جگہ کو سیل کر کے ایف آئی آر درج کرائی،

جاوید اکرم نے مزید کہا کہ میٹنگ میں فیصلہ کیا کہ اس کا استعمال 15 دن کے لیے بند کردیا جائے، 15 دن میں رپورٹ آئے گی کہ کس جراثیم سے یہ امپیکٹ ہوا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔