مایا علی ایک انتہائی باصلاحیت اور خوبصورت پاکستانی اداکارہ اور ماڈل ہیں جنہوں نے کئی سپر ہٹ پاکستانی ڈرامہ سیریلز میں اپنی بہترین اداکاری سے خوب نام کمایا ہے، انہوں نے اپنے کیریئر کا آغاز 2012  میں ڈرامہ درشہوار سے کیا۔

 اپنے پہلے پروجیکٹ کی کامیابی کے بعد، مایا نے بہت سے ڈراموں میں مرکزی کردار ادا کیے جن میں مشہور سیریلز ایک نئی سنڈریلا، اون زارا، من مائل، دیار  دل اور پہلی سی محبت شامل ہیں۔ شائقین نے ان کے حالیہ ڈرامےجو بچھڑ گئے اور یونہی  میں مایا کی اداکراری کو بےحد سراہا تاہم ناظرین یونہی میں بلال اشرف کے ساتھ ان کی جوڑی کو کافی پسند کر رہے ہیں۔

مایا علی کا ایک چھوٹا اور پیارا سا خاندان ہے جس میں ان کی پیاری ماں،  بھائی افنان قریشی،  بھابھی اور پیاری سی چھوٹی بھانجی انابیہ شامل ہیں۔ خوبصورت اداکارہ نے حال ہی میں اپنے اہل خانہ کے ہمراہ عمرہ ادا کرنے کی سعادت حاصل کی۔ مایا علی نے اپنے اس مقدس سفر اور عمرہ کی تصاویر اپنے سوشل میڈیا اکاؤنٹ پر شیئر کی ہیں۔

مایا علی نے لکھا کہ ہم لوگ کافی عرصہ سے ایک ساتھ عمرہ کی ادائیگی  کے لئے کوششیں کررہے تھے اور اب اللہ تعالیٰ نے ہماری دعا سن لی ہے۔

انہوں نے مزید کہا کہ وہ اپنے رب کا جتنا شکر ادا کریں کم ہے اور ان کی زندگی کی ایک سب سے بڑی خواہش پوری ہوگئی کہ انہوں نے اپنی فیملی کے ساتھ عمرہ کی ادائیگی کی ہے، اور اللہ سب کو اس مقدس مقام کی زیارت کرنے کی توفیق عطا فرمائے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں