سابق میونسپل کمشنرحیدرآباد شاہد علی کا دوران معطلی 11 کروڑ روپے کے بل غیر قانونی طور پر پاس کرنے کا انکشاف ہوا ہے۔

تفصیلات کے مطابق نیب کے بعد اینٹی کرپشن نے بھی صوبائی اداروں میں کرپشن کی تحقیقات کا ریکار ڈ کھول لیا۔

حیدرآباد میں اینٹی کرپشن میں میونسپل کارپوریشن میں بڑی کرپشن کی اعلی سطحی تحقیقات جاری ہیں، سابق میونسپل کمشنر شاہد علی کا دوران معطلی 11 کروڑ روپے کے بل غیر قانونی طور پر پاس کرنے کا انکشاف ہوا ہے۔

محکمہ اینٹی کرپشن نے موجودہ میونسپل کمشنرانیس دستی سے ٹھیکیداروں کا ریکار ڈ طلب کرلیا اورسابق مئیر اور سابق میونسپل کمشنر کو 27 ستمبر کو 5 ماہ کے ریکار ڈ سمیت اینٹی کرپشن میں طلب کرلیا گیا۔

 ذرائع اینٹی کرپشن کا کہنا ہے کہ سابق مئیر طیب حسین نے شاہد علی کہ غیر قانونی پاس بلز کو منظور کیا تھا، سابق میونسپل کمشنر شاہد علی نے ٹھیکیداروں کے تقریبا 11 کروڑ روپے کے بلز معطلی میں منظور کیے تھے۔

ذرائع اینٹی کرپشن نے یہ بھی بتایا کہ 3 ماہ معطلی کے باوجود سابق میونسپل کمشنر شاہد علی اختیارات کا ناجائز استعمال جاری رکھا تھا۔

انیس دستی میونسپل کمشنرکا کہنا ہے کہ اینٹی کرپشن کا لیٹرملا ہے اکاؤنٹ ریکار ڈ کل پیش کریں گے، اینٹی کرپشن نے سابق مئیر اور سابق میونسپل کمشنر کا ریکار ڈ طلب کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔