سابق وزیر اعظم اور چیئرمین پاکستان تحریک انصاف (پی ٹی آئی) کو سخت سکیورٹی میں اٹک جیل سے سینٹرل جیل اڈیالہ منتقل کر دیا گیا ہے۔

تفصیلات کے مطابق اسلام آباد ہائیکورٹ کے فیصلے کی روشنی میں پولیس اٹک جیل پہنچی اور چیئرمین پی ٹی آئی کو سخت سیکیورٹی میں لے کر روانہ ہوئی، قافلے میں موبائلز اور ایمبولینس بھی شامل تھے، اسلام آباد پولیس کے اسکواڈ میں اے ٹی ایس کے کمانڈوز بھی شامل تھے۔

چیئرمین پی ٹی آئی کو اٹک جیل سے براستہ موٹروے اڈیالہ جیل منتقل کیا گیا۔

اس ضمن میں چیئرمین پی ٹی آئی کے لیے کمرے کی صفائی کروالی گئی ہے جس میں اٹیچ باتھ بھی ہے جبکہ چیئرمین پی ٹی آئی کو جیل مینوئل کے مطابق تمام سہولیات فراہم کی جائیں گی۔

اڈیالہ جیل منتقلی سے قبل جیل کے اطراف میں سیکیورٹی کے سخت اقدامات کیے گئے۔

ذرائع کا کہنا ہے کہ اڈیالہ جیل میں چیئرمین پی ٹی آئی کا طبی معائنہ کیا گیا، ان کا بلڈ پریشر نارمل تھا جس کے بعد چیئرمین پی ٹی آئی کو سیل منتقل کردیا گیا ہے۔

جیل حکام کا کہنا ہے کہ چیئرمین پی ٹی آئی کو اڈیالہ جیل میں بی کلاس کی سہولیات فراہم کردی گئیں ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔