قائد پاکستان مسلم لیگ ن میاں محمد نواز شریف سے لندن میں صدر پاکستان مسلم لیگ ن خیبرپختونخوا انجینئر امیر مقام کی ملاقات ہوئی ہے۔

ملاقات میں خیبرپختونخوا سے متعلق سیاسی، پارٹی امور سمیت دیگر باہمی دلچسپی امور پر تفصیلی تبادلہ خیال کیا گیا۔

اس موقع پر قائد ن لیگ محمد نواز شریف نے انجینئر امیر مقام کی پارٹی کیلئے دن رات خدمات اور مشکل ترین وقت میں پارٹی کیساتھ کھڑے رہنے اور ہر قسم مالی و جانی نقصان برداشت کرنے کو سراہتے ہوئے کہا کہ امیر مقام اور ان کے خاندان اور ساتھیوں نے پارٹی کیساتھ ڈٹ کر کھڑے رہنے کی جو قیمت ادا کی ہمیشہ یاد رکھا جائے گا۔

انجینئر امیر مقام نے کہا کہ آپ کی وطن آمد کو ملک و قوم کیلئے نیک شگون قرار دیتے ہوئے کہا کہ قوم آپکی طرف دیکھ رہی ہے اور اس دلدل سے آپکی قیادت ہی اس ملک کو نکال سکتی ہے، آپ کے استقبال کیلئے خیبرپختونخوا کے عوام کی لہر لاہور آئے گی۔

قائد محمد نوازشریف اور امیرمقام کی ون آن ون ملاقات میں سابقہ وزیر خزانہ اسحاق ڈار، لندن میں مقیم دیرینہ دوست بیرسٹر اسلام خان، لیگی رہنما شکور خان اور سوئس سے تعلق رکھنے والے منیر ابراہیم بھی شریک ہوئے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں