اقوام متحدہ کی سلامتی کونسل نے مستونگ اورہنگو میں ہونے والے خودکش دھماکوں پرمذمتی بیان جاری کر دیا۔

مذمتی بیان اقوام متحدہ کی ویب سائٹ پر بھی جاری کیا گیا، سلامتی کونسل کا مندرجہ ذیل مذمتی پریس بیان کونسل کے صدرفیریٹ ہوکسا (البانیہ) نے جاری کیا۔

اقوام متحدہ سلامتی کونسل نے مذمتی بیان میں کہا کہ سلامتی کونسل ارکان پاکستان میں ہونے والے گھناؤنے اور بزدلانہ خودکش دہشت گردانہ حملوں کی سخت ترین الفاظ میں مذمت کرتے ہیں۔ ان میں صوبہ مستونگ بلوچستان میں 12 ربیع الاول، یومِ ولادتِ رسولﷺ کے مذہبی جلوس اور ہنگو،خیبر پختونخوا میں ایک مسجد کو نشانہ بنایا گیا۔

اقوام متحدہ سلامتی کو نسل کی مستونگ و ہنگو دھماکوں کی مذمت
مذمتی بیان اقوام متحده کی ویب سائٹ پر بھی جاری کیا گیا
براہ راست دیکھیں:https://t.co/kGi5LWBrA5#BOLNews #UnitedNations pic.twitter.com/HIgKTxVdhg

Advertisement

— BOL Network (@BOLNETWORK) September 30, 2023

مذمتی بیان میں کہا گیا کہ ان حملوں کے نتیجے میں کم از کم 58 بے گناہ پاکستانی جاں بحق اور 80 سے زائد زخمی ہوئے۔ سلامتی کونسل کے ارکان نے متاثرین کے اہل خانہ اور پاکستانی حکومت سے ہمدردی اور تعزیت کا اظہار کرتے ہیں۔ سلامتی کونسل کے ارکان زخمیوں کی جلد اور مکمل صحت یابی کی خواہش کرتے ہیں۔

اقوام متحدہ سلامتی کونسل نے مذمتی بیان میں کہا کہ سلامتی کونسل کے ارکان نے اعادہ کیا کہ دہشت گردی اپنی تمام اشکال میں بین الاقوامی امن وسلامتی کے لیے سب سے سنگین خطرات میں سے ایک ہے۔ سلامتی کونسل کے ارکان ان قابل مذمت دہشتگرد کارروائیوں کے مرتکب افراد، منتظمین کے کڑے احتساب اورانہیں اںصاف کے کٹہرے میں لانے کا مطالبہ کرتے ہیں۔

مذمتی بیان میں مذید کہا گیا کہ سلامتی کونسل اراکین ان دہشتگرد کارروائیوں کے مالی معاونین اوراسپانسرز کو جوابدہ ٹھہرانے اور انہیں انصاف کے کٹہرے میں لانے کی ضرورت پر زور دیتے ہیں۔ تمام ریاستوں پرزوردیتے ہیں کہ وہ عالمی قانون اورسلامتی کونسل متعلقہ قراردادوں کے تحت اپنی ذمہ داریوں کے مطابق اس سلسلے میں حکومت پاکستان کے ساتھ ساتھ دیگر تمام متعلقہ حکام کے ساتھ فعال تعاون کریں۔

اقوام متحدہ سلامتی کونسل نے کہا کہ سلامتی کونسل کے ارکان نے اس بات کا اعادہ کیا کہ دہشت گردی کی کوئی بھی کارروائی مجرمانہ اور بلاجواز ہے۔ چاہے اس کا محرک کچھ بھی ہو، جہاں بھی، جب بھی اور جس نے بھی کیا ہو۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔