نگران وزیراعلیٰ پنجاب محسن نقوی نے کہا ہے کہ چین پاکستان کا بہترین ہمسایہ دوست اور اسٹرٹیجک پارٹنر ہے۔

تفصیلات کے مطابق نگران وزیراعلیٰ پنجاب محسن نقوی نے عوامی جمہوریہ چین کے قومی دن پر چینی صدر، وزیراعظم اور دیگر قیادت کو دلی مبارکباد پیش کی ہے۔

انہوں نے چین کے سفیر، چینی قونصل جنرل اور عوام کیلئے نیک خواہشات کا اظہار بھی کیا۔

ان کا کہنا تھا کہ چین پاکستان کا بہترین ہمسایہ دوست اور اسٹرٹیجک پارٹنر ہے، چین کی نمایاں کامیابیاں پاکستان سمیت تمام ترقی پذیر ممالک کیلئے قابل تقلید ہے، پاکستان اور چین کے تعلقات نے وقت کی کسوٹی پر ڈٹ کر مقابلہ کیا ہے اور مضبوط سے مضبوط تر ہوتے رہیں گے۔

محسن نقوی نے کہا کہ چین پاکستان اقتصادی راہداری سی پیک ایک گیم چینجر ہے جو ہمارے دونوں ممالک کے عوام کو بے پناہ ثمرات فراہم کر رہا ہے، پاکستان اس منفرد شراکت داری کو مزید مضبوط بنانے کیلئے پوری طرح پرعزم ہے، ہماری دعائیں اور خواہشات ہمیشہ چین کے عوام کے ساتھ رہیں گی۔

نگران وزیراعلیٰ پنجاب کا مزید کہنا تھا کہ دعا ہے کہ اس قومی دن کی صبح چینی عوام کیلئے دیرپا امن، خوشحالی لائے، پاکستان کی حکومت اور عوام اپنے چینی بھائیوں کے ساتھ کھڑے رہیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں