اجے جڈیجہ کو آئی سی سی مینز کرکٹ ورلڈ کپ 2023 کے لئے افغانستان کی قومی کرکٹ ٹیم کا مینٹور مقرر کیا گیا ہے۔

تفصیلات کے مطابق بھارت کے سابق کھلاڑی اجے جڈیجہ کو آئی سی سی مینز ون ڈے ورلڈ کپ 2023 کے لیے افغانستان ٹیم کا مینٹور مقرر کر دیا گیا ہے۔

اجے جڈیجہ نے 1992 سے 2000 تک بھارت کے لئے 15 ٹیسٹ میچ کھیلے ہیں ، جس میں انہوں نے 26.18 کی اوسط سے 576 رنز بنائے ہیں جس میں 4 نصف سنچریاں اور 96 کا بہترین اسکور شامل ہے۔

اجے جڈیجہ نے اس عرصے کے دوران 196 ایک روزہ بین الاقوامی میچوں میں بھی ہندوستان کی نمائندگی کی ہے ، انہوں نے 37.47 کی اوسط سے 5359 رنز بنائے ہیں جس میں 6 سنچریاں اور 30 نصف سنچریاں شامل ہیں۔

اجے جڈیجہ 111 فرسٹ کلاس اور 291 لسٹ اے میچوں کا بھی حصہ رہے ہیں اور کھیل کے دونوں فارمیٹس میں مجموعی طور پر 31 سنچریوں اور 88 نصف سنچریوں کے ساتھ ہر فارمیٹ میں 8000 سے زیادہ رنز بنائے ہیں۔

آئی سی سی مینز کرکٹ ورلڈ کپ 2023 کے لیے افغانستان کی قومی کرکٹ ٹیم اس وقت بھارت میں موجود ہے جہاں اسے رواں سال کے ایونٹ میں اپنا پہلا میچ 7 اکتوبر کو دھرم شالا میں بنگلہ دیش کے خلاف میدان میں اترنا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں