شام کے ملٹری کالج پر ڈرون حملے میں  100 سے زائد افراد ہلاک ہوگئے۔

بین الااقوامی خبر رساں ادارے کے مطابق  شامی وزارت دفاع کا کہنا ہے کہ دہشتگردانہ حملے  کے لیے ڈرون کا استعمال کیا گیا جس میں فوجیوں  اور سویلینز کی بڑی تعداد جان سے ہاتھ دھو بیٹھی ہے۔

شامی وزیر صحت  نے بتایا کہ  صوبہ حمص میں ایک فوجی کالج گریجویشن تقریب کے دوران ڈرون حملے میں کم از کم 100 افراد ہلاک اور 240 زخمی ہو گئے۔

وزیر صحت حسن الغباش نے سرکاری ٹیلی ویژن  پر کم اعداد و شمار بتائے کہ 80 افراد ہلاک ہوئے جن میں چھ بچے بھی شامل ہیں۔

تاہم ان کا کہنا ہے کہ  متعدد زخمیوں کی حالت تشویشناک ہونے کی وجہ سے ہلاکتوں میں مزید اضافے کا خدشہ ہے۔

فوری طور پر کسی بھی دہشتگرد تنظیم کی جانب سے حملے کی ذمہ داری قبول نہیں کی گئی۔

شام کی فوج نے اس سے قبل کہا تھا کہ دھماکہ خیز مواد سے لدے ڈرونز نے جمعرات کو تقریب کے اختتام پر اسے نشانہ بنایا۔

ایک بیان میں فوج نے اس حملے کے لیے ’معروف بین الاقوامی افواج  کے حمایت یافتہ‘جنگجوؤں پر الزام لگایا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں