پاکستان کرکٹ ٹیم کے سب سے بڑے ناقد سابق بھارتی کرکٹر عرفان پٹھان بھی نوجوان بلے باز سعود شکیل کی تعریف کیے بغیر نہ رہ سکے۔ 

آئی سی سی ورلڈکپ میں پاکستانی بلے بازوں نے اپنے پہلے ہی میچ میں شائقین کرکٹ کو مایوس کیا۔  اوپنر فخر زمان 12، کپتان بابر اعظم 5 اور امام الحق 15 رنز بناکر کیچ آؤٹ ہوگئے تاہم نوجوان بلے باز سعود شکیل نے ہمت نہیں ہاری۔

نیدرلینڈز کے خلاف ٹاپ آرڈر کی ناکامی کے بعد محمد رضوان اور نوجوان سعود شکیل نے 120 رنز کی شراکت قائم کی۔ اس دوران سعود شکیل نے بہترین بیٹنگ کا مظاہرہ کرتے ہوئے 32 گیندوں پر شاندار نصف سنچری بنائی جو پاکستان کی جانب سے ورلڈکپ میں دوسری تیز ترین نصف سنچری ہے۔

Yesterday Rachin took the advantage of practise match form, today Saud Shakeel doing the same. Good left hand option for Pakistan in the middle order. #PAKvNED

Advertisement

— Irfan Pathan (@IrfanPathan) October 6, 2023

سعود شکیل کی نیدرلینڈز کے خلاف بیٹنگ دیکھ کر سابق بھارتی کرکٹر عرفان پٹھان نے سوشل میڈیا پر بیان جاری کرتے ہوئے کہا کہ ‘ کل انگلینڈ کے خلاف نیوزی لینڈ کے راچن رویندرا نے پریکٹس میچ کی فارم کا فائدہ اٹھایا اور آج سعود شکیل نے بھی وہی کیا، یہ مڈل آرڈر میں پاکستان کے لیے ایک اچھا آپشن ہیں’۔

یہ بھی پڑھیں؛ سعود شکیل نے ورلڈکپ میں پاکستان کے لیے دوسری تیز ترین نصف سنچری بناڈالی

واضح رہے کہ ورلڈکپ کے پہلے ورام اپ میچ میں سعود شکیل نے نیوزی لینڈ کے خلاف شاندار نصف سنچری اسکور کی تھی۔