وہ آیا اس نے دیکھا اور فتح کرلیا، اگر یہ بات تابش ہاشمی کے لیے کہی جائے بے جانہ نہ ہوگی۔ تابش ہاشمی کا شمار پاکستان کے بہترین کامیڈین میں ہوتا ہے جنہیں لوگ دیکھنا اور ان کے حس مزاح سے محظوظ ہونا چاہتے ہیں۔

 کراچی کے تعلق رکھنے والے اس آرٹسٹ نے دنیا بھر میں کامیڈی کو ایک الگ انداز سے متعارف کرایا یہی وجہ ہے کہ لوگ ان کے حس مزاح  سے کافی لطف اندوز ہوتے ہیں۔

تابش ملازمت پیشہ فرد ہیں تاہم وہ ہمیشہ ہی پرفارم کرنے میں دلچسپی رکھتے تھے اور وہ اپنے طالب علمی کے زمانے سے ہی کراچی میں لائیو اسٹینڈ اپ شوز کیا کرتے تھے، بعد میں انہوں نے اپنا یوٹیوب شو ٹو بی ہونسٹ شروع کیا جسے عوام الناس کی جانب سے بے حد پزیرائی ملی تاہم اب وہ ایک نجی ٹی وی کے شو کی میزبانی کر رہے ہیں جس میں شوبز سمیت تمام ہی شعبہ ہائے زندگی کی مشہور شخصیات کو مدعو کیا جاتا ہے۔ جس میں وہ مہمانوں سے ہلکے پھلکے انداز میں بات کرتے ہیں اور یہی گفتگو دیکھنے والوں کے لیے تفریح کا سبب بنتی ہے۔

تابش کو حال ہی میں  احمد علی بٹ نے اپنے پوڈ کاسٹ میں بطور مہمان مدعو کیا جہاں انہوں نے اپنے شو میں مدعو کی جانے والی مشہور شخصات بارے حیرت انگیز اور بڑے انکشافات کیے اور جب مہمان آتے ہیں تو وہ تابش کے ساتھ کے ساتھ کس طرح پیش آتے ہیں۔

انہوں نے انکشاف کیا کہ بہت سے مہمانوں کے شو میں آنے کے لیے غیر معقول مطالبات تھے۔ انہوں نےکہا کہ کچھ مہمانوں نے شو میں آنے کے لیے ایک کروڑ روپے مانگے، جبکہ کچھ نے شو کے لیے 20 ہزار ڈالر مانگے ہیں۔ انہوں نے مزید یہ بھی کہا کہ کچھ شخصیات شو میں آنا نہیں چاہتی اس لیے وہ اس طرح کے مطالبات کرتی ہے تاہم کئی بڑے نام ایسے ہیں جنہوں نے بغیر کسی معاوضے کے شو میں شرکت کی۔ جبکہ بہت سے مہمانوں نے بھاری رقم کا مطالبہ کرنے کے بعد سوالوں کے جواب دینے سے معذرت چاہی اور تابش سے کہا وہ ان سے اس طرح کے سوالات نہ کریں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں