نگران وزیراعظم انوار الحق کاکڑ کوئٹہ پہنچ گئے ہیں۔

تفصیلات کے مطابق نگران وزیر داخلہ سرفراز بگٹی بھی وزیر اعظم کے ہمراہ ہیں۔

کچھ دیر بعد نگران وزیراعظم صوبہ کی امن و امان کی صورتحال پر ایپکس کمیٹی کے اجلاس کی صدارت کریں گے۔

اس دورے میں صوبہ بلوچستان میں نیشنل ایکشن پلان کے نفاذ کی موجودہ صورتحال کے حوالے سے منعقد ہونے والے بلوچستان ایپکس کمیٹی کے 14ویں اجلاس میں خصوصی شرکت کریں گے۔

وزیراعظم اس موقع پر بلوچستان کی نگران صوبائی قیادت سے ملاقات بھی کرینگے۔

دوسری جانب نگران وزیر اعظم انوار الحق کاکڑ نے افغانستان کے شہر ہرات میں زلزلہ میں قیمتی جانوں کے ضیاع پر دکھ کا اظہار کیا ہے۔

سماجی رابطے کی ویب سائٹ ٹوئٹر پر اپنے ایک پیغام میں نگران وزیر اعظم انوار الحق نے کہا کہ افغانستان کے شہر ہرات میں تباہ کن زلزلے پر بہت دکھ ہوا، دکھ کی اس گھڑی میں افغان عوام کے ساتھ ہیں۔

وزیرا عظم نے کہا کہ مشکل وقت میں افغان عوام سے اظہار یکجہتی کرتے ہیں، این ڈی ایم اے کو متاثرین ہرات کے لئے امداد بھیجنے کی ہدایت کی ہے، متاثرین  کے لئے خیمے کمبل اور فلیڈ میڈیکل ٹیم کے ہمراہ بھیجنے کی ہداہت کی ہے۔

انوار الحق کاکڑ نے کہا کہ افغان حکومت نے میڈیکل ٹیم اور امدادی سامان بھجوانے کی درخواست کی تھی، اور ان کی اس ہی درخواست کی بنا پر ہم امدادی سامان بھیج رہے ہیں۔

واضح رہے کہ کچھ دن قبل افغانستان کے صوبے ہرات میں 6.3 شدت کا زلزلہ ریکارڈ کیا گیا جس کے سبب انفرا اسٹرکچر کو شدید نقصان پہنچا جبکہ بادغیس اور فرح صوبے میں بھی آفٹر شاکس محسوس کیے گئے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں