اسلام آباد: سابق حکومت کی درآمدات پر پابندی کے اثرات سے متعلق رپورٹ سامنے آگئی۔

رپورٹ کے مطابق گزشتہ مالی سال پاکستان اور چائنہ کی باہمی تجارت میں 9 ارب ڈالرز کی بڑی کمی سامنے آئی ہے جبکہ مالی سال 2021-22 میں پاک چائنہ باہمی تجارت 23 ارب ڈالر تھی۔

دستاویز میں بتایا گیا ہے کہ مالی سال 2022-23 میں پاک چائنہ باہمی تجارت 14 ارب ڈالر رہی جبکہ چائنہ سے پاکستانی برآمدات 11 ارب ڈالرز سے زائد ریکارڈ کی گئی۔

رپورٹ کے مطابق 2022-23 میں پاکستان نے چائنہ کو 2.6 ارب ڈالرز کی درآمدات کیں، تاہم مالی سال 2021-22 میں چائنہ کو پاکستانی درآمدات 3 ارب ڈالرز سے زائد تھیں جبکہ چائنہ سے پاکستانی برآمدات 20 ارب ڈالرز سے زائد تھیں۔

دوسری جانب پاکستان میں اس سال معاشی شرح نمو 2.5 فیصد رہنے کی پیشگوئی کی گئی ہے۔

بین الاقوامی مالیاتی فنڈ (آئی ایم ایف) نے اپنی ورلڈ اکنامک آوٹ لُک رپورٹ میں بتایا کہ موجودہ مالی سال مہنگائی کی شرح 23.6 فیصد رہے گی، سال 2028 تک جی ڈی پی گروتھ 5 فیصد تک جانے کا تخمینہ لگایا گیا ہے۔

  جاری کردہ رپورٹ کے مطابق اس سال بے روزگاری کم ہو کر 8 فیصد پر آنے کا امکان ہے، گزشتہ مالی سال بے روزگاری کی شرح ساڑھے آٹھ فیصد تھی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں