آج کا میچ بھارتی کرکٹ بورڈ کا ہوم ایونٹ لگا، مکی آرتھر

ویب ڈیسک

14th Oct, 2023. 10:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آج کا میچ بھارتی کرکٹ بورڈ کا ہوم ایونٹ لگا، مکی آرتھر

قومی ٹیم کے ڈائریکٹر مکی آرتھر کا کہنا ہے کہ بھارت کے خلاف آج کا میچ آئی سی سی ایونٹ نہیں بلکہ بھارتی بی سی سی آئی کا ہوم ایونٹ لگا۔

بھارت میں ہونے والے ورلڈکپ میں پاکستانی ٹیم کی بھارت کے ہاتھوں بدترین شکست کے بعد احمد آباد میں پریس کانفرنس کے دوران مکی آرتھر نے کہا کہ یہ ایک بڑا میچ تھا،آج ہم نے اچھا نہیں کھیلا، 155 سے 191 پر آؤٹ ہوجانا مناسب نہیں۔

انہوں نے کہا کہ ہم اس وکٹ پر اچھا کرسکتے تھے، بھارت نے اچھی بولنگ کی، ہم جوابی پریشر ڈال سکتے تھے۔ آج ہم ’پاکستان وے‘ کے مطابق نہیں کھیل سکے، 2017ء کی چیمپئنز ٹرافی میں ہم نے بھارت کو ہرایا تھا۔

مکی آرتھر کا کہنا تھا کہ پلیئرز ہر میچ میں اچھا کھیلنے کی کوشش کر رہے ہیں، آج آف کلر تھے، ہم ہر میچ جیتنے کے لیے میدان میں اترتے ہیں جب کہ ماضی کے ریکارڈز صرف میڈیا پر چلتے ہیں، یہ لمبا ورلڈ کپ ہے، ہم 3 میں سے 2 میچ جیتے ہیں۔

انہوں نے مزید کہا کہ ہم تحمل کے ساتھ اگلے میچ پر فوکس کریں گے، بھارت نے آج بتایا کہ ان وکٹوں پر کیسے بولنگ کرنی ہے ، ہم نے ایک موقع پر اچھا کھیلا مگر اس کو لمبا نہ لے جاسکے، ہم 350 کا سوچ کر میدان میں آئے تھے۔