اربوں روپے کے فراڈ کے کیس میں ملوث مبینہ ملزم سکیش چندر شیکھر نے جیل سے بالی وڈ کی خوبرو اداکارہ جیکولین  فرنینڈس کو ایک بار پھر محبت بھرا خط لکھا ہے۔

بھارتی میڈیا رپورٹس کے مطابق سکیش چندر شیکھر متعدد دھوکا دہی کے مقدمات میں ملوث ہیں اور اس وقت دہلی کی جیل میں قید ہیں۔

  مبینہ ملزم نے جیل سے اپنے وکیل کے ذریعے اداکارہ جیکولین فر نینڈس کوایک بار پھر پیار بھرا خط بھیجا ہے۔

سکیش چندر نے اپنے خط میں ان سے محبت کا اظہار کرتے ہوئے لکھا کہ’ وہ  نوراتری کے تہوار کے موقع پر جیکولین فرنینڈس کے لئے نو دن تک روزے رکھیں گے ۔

 مبینہ ملزم نے خط میں اداکارہ کو’ شیرنی‘ کہہ کر مخاطب کیا اور لکھا کہ وہ اپنے حالیہ دوہا کے شو میں بے حد حسین نظر آ رہی تھی ، ان جیسا خوبصورت کوئی بھی نہیں ہے۔

انہوں نے مزید لکھا کہ  وہ وقت دور نہیں جب سچ غالب آجائے گا اور وہ  پھر سے اکٹھے ہو جائیں گے، انہیں دنیا کی کوئی بھی طاقت ایک دوسرے سے جدا نہیں کر سکتی ۔

واضح رہےکہ اس سے قبل اداکارہ کو بھیجے گئے خط میں مبینہ ملزم نے دعویٰ کیا تھا کہ وہ جیکولین فرنینڈس کے خواب کو پورا کرنے کے لیے بھارت میں پالتو جانوروں کا اسپتال بنا رہے ہیں، جس کی تعمیر اگلے سال تک مکمل کر لی جائےگی ۔

یہاں یہ بات قابل ذکر ہے کہ جیکولین فرنینڈس نے کبھی  بھی سکیش چندر شیکھر  کے ساتھ اپنے تعلقات کو قبول نہیں کیا تاہم ان دونوں کی ایک ساتھ  کئی رومانوی تصاویر سوشل میڈیا پر کافی وائرل ہوئیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں