پاکستان کرکٹ ٹیم کے سابق کپتان شعیب ملک نے کپتانی کیلئے بہترین کھلاڑی کا نام بتادیا ہے۔

تفصیلات کے مطابق پاکستان کرکٹ ٹیم کے سابق کپتان شعیب ملک نے نجی ٹی وی چینل کے پروگرام میں قومی کرکٹ ٹیم کی قیادت اور فاسٹ باؤلر شاہین شاہ آفریدی کی قائدانہ صلاحیتوں کے حوالے سے گفتگو کی۔

پروگرام کے دوران ان سے سوال کیا گیا کہ اگر بابر کپتانی سے پیچھے ہٹتے ہیں تو ون ڈے ورلڈکپ کے بعد قومی ٹیم کے کس کھلاڑی میں اتنی صلاحیت ہے جو قیادت کرسکے؟

سوال کے جواب میں شعیب ملک نے شاہین شاہ آفریدی کا نام لیا، انہوں نے کہا کہ وائٹ بال کرکٹ کیلئے شاہین شاہ آفریدی بطور کپتان بہترین انتخاب ہیں۔ ریڈ بال کرکٹ میں اس لیے نہیں کیونکہ اکثر ٹیسٹ میچز میں فاسٹ باؤلرز نے آرام کرنا ہوتا ہے۔

  سابق کپتان شعیب ملک نے کہا کہ لاہور قلندرز میں موجود لوگوں نے بھی یہ بات بتائی کہ وہ بہت اچھا اور ایگریسو کپتان ہے۔ لاہور قلندرز کیلئے اکثر فیصلے خود شاہین شاہ آفریدی ہی لیتے ہیں۔

 واضح رہے کہ اس سے پہلے پاک بھارت ورلڈکپ میچ کے بعد شعیب ملک نے بابر اعظم کو کپتانی چھوڑنے کا مشورہ دیتے ہوئے کہا تھا کہ انہیں ایک کھلاڑی کی حیثیت سے کھیلنا چاہیے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں