پرویز الہٰی اور مونس الہٰی سے متعلق بھی اہم خبر آگئی

ویب ڈیسک

17th Oct, 2023. 02:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پرویز الہٰی اور مونس الہٰی سے متعلق بھی اہم خبر آگئی

سابق وزیر اعلیٰ پنجاب چوہدری پرویز الہٰی اور ان کے بیٹے مونس الٰہی سے متعلق اہم خبر آگئی ہے۔

تفصیلات کے مطابق قومی احتساب بیورو (نیب) نے چوہدری پرویز الہٰی اور مونس الٰہی سمیت دیگر کے خلاف گجرات میں ترقیاتی منصوبوں میں کرپشن اور کک بیکس کے الزامات پر ریفرنس تیار کر لیا ہے۔

نیب کی جانب سے تیار کئے جانے والے ریفرنس میں پرویز الہٰی، مونس الٰہی اور محمد خان بھٹی سمیت دیگر ملزمان کو نامزد کیا گیا جبکہ سابق وزیر اعلیٰ پنجاب پر اختیارات کا ناجائز استعمال اور قومی خزانے کو نقصان پہنچانے کا الزام عائد کیا گیا ہے۔

ریفرنس کے مطابق پرویز الہٰی نے خلاف قانون ترقیاتی منصوبوں کی منظوری دی اور کک بیکس لیں جبکہ مونس الٰہی نے متعلقہ حکام سے کک بیکس کے شیئر طے کیے اور رشوت کے پیسوں سے 72 ملین کی 384 کنال اراضی خریدی۔

ذرائع نے بتایا کہ سابق پرنسپل سیکرٹری محمد خان بھٹی کے اکاؤنٹ میں 10 کروڑ کی رقم جمع ہوئی۔

واضح رہے کہ چیئرمین نیب نذیر احمد بٹ کی منظوری کے بعد ریفرنس احتساب عدالت میں دائر کیا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں