لاہور: مسلم لیگ ن کا مینار پاکستان پر ہونے والے سیاسی پاور شو میں شرکاء کی تعداد کا سروے کروالیا گیا ہے۔

ذرائع کے مطابق ن لیگ کے مینار پاکستان پر سیاسی پاور شو میں شرکت کے لئے لاہور کے مختلف اضلاع سے ایک لاکھ بیس ہزار افراد کی آمد متوقع ہے۔

ذرائع نے بتایا کہ گیارہ ہزار گاڑیاں اکیس اکتوبر کو لاہور میں داخل ہونے کا امکان ہے جبکہ شرکاء اور گاڑیوں کی تعداد کے مطابق نفری کی تعیناتی کی جائے گی۔

ذرائع کا مزید کہنا تھا کہ جلسہ گاہ کے قریب شاہی قلعے میں ہیلی پیڈ کی تیاری جاری ہے، تاہم سابق وزیر اعظم کے اولڈ ایئرپورٹ سے جلسہ گاہ تک بذریعہ ہیلی کاپٹر آئیں گے۔

یاد رہے کہ مسلم لیگ (ن) کی مینار پاکستان پر جلسے کی تیاریاں حتمی مراحل میں داخل ہو چکی ہیں، مینار پاکستان پر نواز شریف اور مرکزی قائدین کے لئے اسٹیج سجا لیا گیا اور احاطے میں دو کنٹینرز بھی لگا دیے گئے۔

جلسہ گاہ میں شرکاء کو نواز شریف کی تقریر کے لئے بڑی بڑی اسکرینیں بھی لگائی گئی جبکہ جلسے کیلئے خواتین، نوجوانوں، ایم پی اے اور این ایز کے لئے علیحدہ علیحدہ انکلیوژر بنائے گئے۔

بعدازاں پاکستان مسلم لیگ (ن) کو 21 اکتوبر کو مینار پاکستان میں جلسے کی اجازت مل گئی تھی، ضلعی انتظامیہ لاہور نے مسلم لیگ (ن) کے مینار پاکستان پر جلسے کی مشروط اجازت قانون نافذ کرنے والے اداروں کی مشروطہ سے دی۔

اس حوالے سے مسلم لیگ ن پنجاب کے صدر رانا ثناء اللہ نے دعویٰ کیا ہے کہ اقبال پارک کا جلسہ پچھلے تمام جلسوں کے ریکارڈ توڑ دے گا۔

واضح رہے کہ نواز شریف 21 اکتوبر کو لندن سے واپس پاکستان کے لئے روانہ ہوں گے۔ نوازشریف چارٹرڈ کے بجائے مسافر طیارے کے ذریعے پاکستان آئیں گے جس کے لئے انہوں نے ٹکٹ بھی بک کروا لی ہے۔

نواز شریف 21 اکتوبر کو لندن سے ابوظہبی انٹرنیشنل ایئر پورٹ لینڈ کریں گے اور اس ہی دن وہ ابو ظہبی سے لاہور کے لیے بھی روانہ ہوں گے۔

نوازشریف 21 اکتوبر شام 7 بجے لاہور پہنچیں گے، نوازشریف حفاظتی ضمانت ملنے پر لاہور ایئر پورٹ سے سیدھا مینار پاکستان پہنچیں گے اور ان کے استقبال کے لئے ملک بھر سے قافلے 4 بجے تک لاہور مینار پاکستان پہنچیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں