آسٹریلیا کے خلاف ورلڈکپ کے اگلے میچ میں شاداب خان کو آرام دینے کا امکان ہے۔

پاکستان کرکٹ ٹیم ان دنوں آئی سی سی مینز کرکٹ ورلڈکپ کے لیے بھارت میں موجود ہے جس میں پاکستان کا اگلا مقابلہ کل آسٹریلیا سے ہوگا۔

میڈیا رپورٹس کے مطابق آسٹریلیا کے خلاف میچ کے لیے ٹیم میں اہم تبدیلی کا امکان ہے اور شاداب خان کی جگہ اسامہ میر کو ٹیم میں شامل کیا جاسکتا ہے۔

دوسری جانب فخر زمان تاحال انجری کا شکار ہیں جس کے بعد عبداللہ شفیق اور امام الحق کی اوپننگ جوڑی برقرار رہے گی جب کہ آغا سلمان بھی اب تک بخار میں مبتلا ہیں اور اس لیے اُن پر بھی غور کرنے کا امکان نہیں۔

آسٹریلیا کے خلاف پاکستان کی متوقع پلیئنگ الیون

قومی ٹیم کی قیادت بابر اعظم کریں گے جب کہ وکٹ کیپنگ کے فرائض محمد رضوان ہی انجام دیں گے۔ علاوہ ازیں دیگر اسکواڈ میں عبداللہ شفیق، امام الحق، سعود شکیل، افتخار احمد، محمد نواز، اسامہ میر، حارث رؤف، حسن علی اور شاہین آفریدی شامل ہوں گے۔

واضح رہے کہ شاداب خان مسلسل خراب پرفارمنس کا مظاہرہ کررہے اور ورلڈکپ میں ابھی تک انہوں نے تین میچز میں صرف دو وکٹیں حاصل کرکے 34 رنز ہی بنائے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں