لاہور: پاکستان کرکٹ بورڈ نے سینٹرل کنٹریکٹ میں پانچ کھلاڑیوں کا اضافہ کیا ہے۔

پی سی بی نے سابق کپتان سرفراز احمد کو ڈی سے بی کیٹیگری میں شامل کیا ہے جب کہ ابرار احمد اور نعمان علی کو سی کیٹیگری میں شامل کیا گیا ہے۔

طیب طاہر، عامر جمال اور ارشد اقبال کو بھی ڈی کیٹیگری میں شامل کیا ہے، نئے کھلاڑیوں کے اضافے کے بعد سینٹرل کنٹریکٹ حاصل کرنے والے کرکٹرز کی تعداد 30 ہوگئی ہے۔

سینٹرل کنٹریکٹ حاصل  کرنے والے کھلاڑی

اے کیٹیگری میں بابراعظم ،شاہین آفریدی اور محمد رضوان جب کہ بی کیٹیگری میں فخرزمان، حارث رؤف، امام الحق، محمد نواز، نسیم شاہ، سرفراز احمد اور شاداب خان شامل ہیں۔

سی کیٹیگری میں عبداللہ شفیق، ابرار احمد، عماد وسیم اور نعمان علی، ڈی کیٹگری میں عامر جمال، ارشد اقبال، فہیم اشرف، حسن علی اور افتخار احمد شامل ہیں۔

علاوہ ازیں احسان اللہ، محمد حارث، محمد وسیم جونیئر، صائم ایوب، سلمان علی آغا، سعود شکیل، شاہ نواز دھانی، شان مسعود، طیب طاہر، اسامہ میر اور زمان خان بھی ڈی کیٹیگری میں شامل ہیں۔

واضح رہے کہ تین سال کے لیے کنٹریکٹ یکم جولائی 2023 سے 30 جون 2026 تک کے لیے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں