مسلم لیگ (ن) کے صوبائی صدر امیر مقام نے کہا ہے کہ عوام دوبارہ نواز شریف کو ووٹ کے ذریعے اقتدار میں لائیں گے۔

تفصیلات کے مطابق امیر مقام نے میڈیا سے گفتگو کرتے ہوئے کہا کہ آج صوبے کے عوام کا جذبہ دیدنی ہے، اپنی سیاسی زندگی میں ایسے چارجڈ کارکن نہیں دیکھے، ابھی راستہ میں بہت بڑا قافلہ ضلع خیبر سے آرہا ہے، صوبے بھر سے کارکن قافلوں کی صورت میں لاہور کی طرف جا رہے ہیں۔

امیر مقام نے کہا کہ کارکنوں کے نکلنے کا کریڈٹ نواز شریف کو جاتا ہے، ملک کے بچے بچے کو پتہ ہے کہ مسائل کا حل صرف نواز شریف کے پاس ہے، آج کے بعد پاکستان کے اچھے دن آئنگے، اب قوم کو احساس ہو گیا ہے کہ ملک کا زوال نواز شریف کے جھوٹے مقدمہ میں نااہلی سے شروع ہوا، اقتدار میں لانے اور ہٹانے کی طاقت عوام کے پاس ہیں۔

ان کا کہنا تھا کہ عوام دوبارہ نواز شریف کو ووٹ کے ذریعے اقتدار میں لائیں گے، آج عوام نے ثابت کر دیا ہے کہ نواز شریف اور شیر کا ساتھ دینا ہے، بلاول بھٹو کو اتنی جلدی نہیں کرنی چاہیے ذرا انتظار کرنا چاہیے۔

واضح رہے کہ نواز شریف کا طیارہ اسلام آباد ایئرپورٹ پر لینڈ کر گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں