سعودی عرب میں وزارت صحت کے حکام کا کہنا ہے کہ مملکت میں کرونا (کوویڈ 19) وائرس کے مزید 24 کیسز کی تصدیق کی گئی ہے۔

وزارت صحت کا کہنا ہے کہ عراق سے آنے والے ایک مرد اور ایک خاتون کو کرونا وائرس کے شبے میں قرنطینہ منقل کیا گیا ہے۔ اس کے علاوہ ایران سے واپس انے والے ایک شخص میں کرونا کی تصدیق کی گئی تھی کی 12 سالہ پوتی بھی اس وائرس کا شکار ہوئی ہے۔

حکام کا کہنا ہے کہ کرونا کے مزید سامنے آنے والے 21 کیسز میں تمام افراد مصری شہریت رکھتے ہیں۔ انہیں سعودی عرب میں قرنطینہ منتقل کیا گیا ہے۔

حکام کا کہنا ہے کہ سعودی عرب میں کرونا وائرس کے متاثرین کی کل تعداد 45 ہوگئی ہے جب کہ متعدد مریض صحت یاب ہوئے ہیں۔

کرونا وائرس سے متاثرہ ملکوں سے آنے والے شہریوں کو سعودی حکومت کی طرف سے ہدایت کی گئی ہے کہ وہ فوری طورپر ‘ہیلتھ یونٹ 937’ سے رجوع کریں۔

کروناوائرس کےخطرات، سعودی عرب کاعلاقہ بندکردیاگیا

واضح  رہے  اس سے قبل سعودی عرب کے مشرقی علاقے قطیف کوکرونا وائرس کے خطرات کے پیش نظر بند کردیاگیا تھا۔ سعودی علاقے میں آمدورفت پرپابندی عائد کردی گئی ہے جبکہ حفاظتی اقدامات کے طور پر اسکولوں کو بھی بند کردیا گیا ہے۔

وزارت داخلہ نے مزید کہا کہ مصر، لبنان، اٹلی و دیگر ممالک سے آنے والے افراد 2 ہفتےتک گھروں میں رہیں گے۔ سعودی وزارت داخلہ کاکہناہےکہ سعودی عرب میں کرونا وائرس کے تمام 11 کیسز قطیف سےسامنے آئے تھے۔

اس سے پہلے سعودی وزارتِ داخلہ نے کہا تھا کہ کرونا وائرس کے شکار ممالک سے تعلق رکھنے والے اقامہ ہولڈر یا نئے ویزے پر آنے والے غیر ملکیوں کو میڈیکل سرٹیفیکیٹ پیش کرنا ہوگا۔

خیال رہے کہ سعودی عرب نے متحدہ عرب امارات، کویت اور بحرین سے آنے والوں کے لیے بھی پابندی عائد کی ہے۔