چیف آف آرمی سٹاف جنرل سید عاصم منیر نے کہا ہے کہ تعلیم محض آپشن نہیں بلکہ ضرورت ہے۔

پاک فوج کے شعبہ تعلقات عامہ (آئی ایس پی آر) کے مطابق نسٹ کا سالانہ کانووکیشن ویک یونیورسٹی کے مین کیمپس میں منعقد کیا گیا جس میں چئیرمین نسٹ بورڈ آف گورنرز اور چیف آف آرمی سٹاف جنرل سید عاصم منیر نے بطور مہمان خصوصی شرکت کی۔

آئی ایس پی آر کے مطابق آرمی چیف نے نمایاں کارکردگی دکھانے والے طالب علموں کو اعزازات عطا کئے، کانووکیشن ویک میں بیچلرز، ماسٹرز اور پی ایچ ڈی کرنے والے طالب علموں کو ڈگریاں عطا کی گئیں، نسٹ کے 3500 طلبہ کو 7 مختلف ڈسپلنز میں ڈگریاں دی گئیں، آرمی چیف نے گریجویٹ طلبہ،والدین اور اساتذہ کو دلی مبارکباد دی۔

 پاک فوج کے شعبہ تعلقات عامہ (آئی ایس پی آر) کے مطابق چیف آف آرمی سٹاف جنرل سید عاصم منیر نے خطاب کرتے ہوئے کہا کہ آج طلبہ کی زندگیوں میں نئے باب کا آغاز ہو رہا ہے، تعلیم محض آپشن نہیں بلکہ ضرورت ہے، آج سے شروع ہونے والا نیا باب اہم ترین تبدیلی کا آغاز اور بڑی ذمہ داری کا متقاضی ہے، آپ لوگوں کی ذمہ داریاں اب تبدیل ہوچکی ہیں، نئی ذمہ داری طلبہ کی شخصیت اور زندگی میں کئے فیصلوں سے جھلکنی چاہیے،ملک کودرپیش چیلنجز کا ادراک کرکے تجزیہ کریں،ذہانت اورفکری وسائل سے ان چیلنجز کا حل تلاش کریں، اب طلبہ پر منحصر ہے کہ وہ ملک کو درپیش مشکلات کا اپنی دانش سے کیا حل نکالتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔