نگراں وزیر اعلیٰ سندھ جسٹس ریٹائرڈ مقبول باقر نے کہا ہے کہ ہم ملک میں قانون اور آئین کی حکمرانی چاہتے ہیں۔

تفصیلات کے مطابق نگراں وزیر اعلیٰ سندھ جسٹس ریٹائرڈ مقبول باقر نے ہائی کورٹ بار سکھر سے خطاب کرتے ہوئے کہا کہ آج میرے ساتھ بہت بڑا دھوکہ ہوگیا مجھے دوستوں نے کہا کہ چھوٹی سی گیدرنگ ہوگی لیکن یہاں پر تو بہت بڑا پروگرام منعقد کیا گیا۔

انہوں نے کہا کہ عدلیہ کی بحالی کے لیے سکھر بار کا بھی بہت بڑا حصہ ہے، ہم چاہتے ہیں کہ ملک میں قانون کی اور آئین کی حکمرانی ہو۔

نگراں وزیر اعلیٰ سندھ جسٹس ریٹائرڈ مقبول باقر نے مزید کہا کہ سکھر: ہم سب مل کے اگر کام کریں گے تو اج جو مشکلات ہیں وہ انشاءاللہ انسے جلد چھٹکارا حاصل ہو جائے گا،آئین کی پاسداری ہوگی تو ہماری راہ میں کوئی رکاوٹ نہیں رہے گی اور نہ ہی کوئی وجہ رہے گی جس سے ہم ترقی نہ کر سکیں۔

اس سے قبل نگراں وزیراعلیٰ سندھ جسٹس (ر) مقبول باقر کی زیر صدارت سکھر کے ترقیاتی منصوبوں اور سیلاب کے نقصانات و بحالی سے متعلق اجلاس منعقد ہوا۔

ترجمان وزیر اعلیٰ سندھ کی جانب سے جاری كرده بیان کے مطابق اجلاس میں گفتگو کرتے ہوئے نگراں وزیر اعلیٰ سندھ جسٹس (ر) مقبول باقر نے کہا کہ سکھر کا دورہ کرنے کا مقصد صوبے کے تیسرے بڑے شہر کا معائنہ کرنا تھا،سڑکوں کے اطراف سے مٹی اٹھوائی جائے،سکھر شہر میں صفائی ستھرائی کا کوئی بندوبست نہیں، ڈویژنل انتظامیہ کو تین ہفتے کی مہلت دیتا ہوں اگر پھر بھی شہر صاف نہیں ہوا تو کارروائی ہوگی۔

نگراں وزیراعلیٰ سندھ جسٹس (ر) مقبول باقر نے کہا کہ شہر کے پارکس کو ٹھیک کرائیں ۔ نگراں وزیراعلیٰ سندھ کو کمشنر سکھر سمیع صدیقی اور انکی ٹیم نے سیلاب سے متعلقہ بحالی کے منصوبوں پر بریفنگ دی۔

اجلاس کمشنر ہاؤس سکھر میں منعقد ہوا، اجلاس میں صوبائی وزرا برگیڈیئر حارث نواز، عمر سومرو، اشعر لعل، پرنسیپل سیکریٹری حسن نقوی، سیکریٹری اسکول ایجوکیشن شیریں ناریجو، سیکریٹری صحت ڈاکٹر منصور، سیکریٹری ورکس نواز سوہو اور دیگر متعلقہ آفسران نے شرکت کی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں