پاکستان کرکٹ بورڈ کے حکام ورلڈکپ کے لیے بھارت میں موجود ٹیم مینجمنٹ سے ناخوش دکھائی دے رہے ہیں۔

ورلڈکپ میں کوچز کی کارکردگی سوالیہ نشان بن گئی ہے جب کہ مکھی آرتھر سمیت دیگر کوچز کا مستقبل خطرے میں پڑگیا ہے۔

ذرائع کرکٹ بورڈ کا کہنا ہے کہ بھاری معاوضے پر کوچز نجم سیٹھی کے دور میں رکھے گئے ہیں جب کہ عاقب جاوید، سعید اجمل، مشتاق احمد، محمد یوسف کو کرکٹ بورڈ نے ٹاسک دے دیا ہے۔

ذرائع کے مطابق سابق کھلاڑیوں کو پانچ بلے باز، پانچ اسپنرز اور پانچ بولر تیار کرنے کا ٹاسک سونپا گیا ہے جب کہ ندیم خان کو تمام کرکٹر سے کوآرڈینیٹ  کرکے پلان تیار کرنے کی ہدایت کی گئی ہے۔

ذرائع کرکٹ بورڈ نے بتایا بابر اعظم کی کپتانی کے حوالے سے ابھی تک کرکٹ بورڈ میں کوئی سوچ ہے اور نہ ہی کوئی گفتگو ہوئی ہے، ورلڈ کپ کے بعد کرکٹ ماہرین سے مشاورت سے فیصلے ہوں گے۔

واضح رہے کہ آئی سی سی مینز کرکٹ ورلڈکپ میں قومی ٹیم اب تک پانچ میچز کھیل چکی ہے جس میں تین میں شکست اور دو میں کامیابی حاصل ہوئی ہے جب کہ قومی ٹیم کے ابھی چار میچز باقی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں